झापा । झापामा रुखामा बाँधिएका एक व्यक्तिको मृत्यु भएपछी घटनामा संलग्न ४ जनालाई प्रहरीले पक्राउ गरेको छ ।
मादक पदार्थ सेवन गरी आएका झापा गाउँपालिका १, लसुनाका ६० वर्षीय जतन सोरेनलाई रातभर रुखमा बाधिएर राखेपछि उनको मृत्यु भएको हो ।
घटनामा संलग्न भएको आरोपमा चार जनालाई प्रहरीले नियन्त्रणमा लिईएको हो । मादक पदार्थ सेवन गरी छिमेकीको घर पुगेपछी उनलाई रुखमा बाँधेको अनुसन्धानबाट खुलेको छ । इलाका प्रहरी कार्यालय कुमरखोदबाट खटिएको टोलीले घटनामा संलग्न चार जनालाई पक्राउ गरेको छ ।
पक्राउ पर्नेहरूमा मृतकका छोरा अनतलाल सोरेन, महादेव टुडू, लुखिराम टुडू र लखिराम टुडू रहेका छन् । उनीहरूलाई थप अनुसन्धानका लागि जिल्ला प्रहरी कार्यालय झापा पठाइएको प्रहरीले जनाएको छ ।
घटनामा संलग्न अन्य फरार व्यक्तिहरूको खोजी कार्य जारी छ ।
