काठमाडौँ। त्रिभुवन विश्वविद्यालय समाजशास्त्रका उपप्राध्यापक प्रेम चलाउनेमाथि सांघातिक हमला गर्नेविरुद्धको मुद्दा सरकारले फिर्ता लिने निर्णयको विरोध भएको छ।
प्रतिनिधि सभाको सोमबारको बैठकमा आकस्मिक समय लिएर बोल्दै एमाले सांसद सुनिता बरालले सरकारको उक्त निर्णयको विरोध गर्दै सरकारले यसरी मुद्दा फिर्ता लिने हो भने अदालत बन्द गर्न चुनौती दिइन्।
‘सरकार पटक पटक यो मुद्दा फिर्ता लिने निर्णय गर्छ। शुसासन माग्न कहाँ जाने हो? कहाँबाट सुरक्षित हुने हो? मरााणासन्न पारेर फालेको व्यक्तिबाट आएको उजुरी सरकारले धमाधम फिर्ता लिन्छ भने, म प्रधानमन्त्रीलाई प्रश्न गर्न चाहान्छु,’ सांसद बरालले भनिन् के सरकारले सबै न्यायलयहरु बन्द गर्न खोजेको हो? सरकारले कोही पनि नेपालीलाई दुःख परेको बेलामा राज्य छैन भनेको हो?’
यस्तै, सांसद मेनका पोखरेलले चलाउनेलेमाथि हमला गर्नेको मुद्दा फिर्ता लिएर सरकारले विश्वविद्यालयलाई रणमैदान बनाउन खोजेको आरोप लगाइन्।
यस्तै, सांसद रघुजी पन्तले सरकारले मुद्दा फिर्ता लिएर सुसासन विरोधी काम गरेको आरोप लगाए।
त्रीवि परिसर भित्रै त्रिविका उपप्राध्यापक चलाउनेमाथि नेपाली कांग्रेसनिकट नेविसंघमा आबद्ध विद्यार्थीहरुले मरणासन्न हुने गरी कुटपिट गरेका थिए।
