पर्यटनमन्त्री किराँतीले प्राधिकरणका महानिर्देशक अधिकारीलाई स्पष्टीकरण सोधे

काठमाडौँ। संस्कृति, पर्यटन तथा नागरिक उड‍्डयन मन्त्री सुदन किराँतीले नेपाल नागरिक उड‍्डयन प्राधिकरणका महानिर्देशक प्रदीप अधिकारीलाई ९ बुँदे स्पष्टीकरण सोधेका छन्। मन्त्री किरातीले सोमबार अधिकारीलाई ७ दिनभित्र स्पष्टीकरण बुझाउन निर्देशन दिएका हुन्।

प्राधिकरणका महानिर्देशक अधिकारीलाई के कति कारणले आफ्नो पदीय जिम्मेवारी विपरित सरकारको नीति विरुद्धका कार्य गर्नुभएको हो? भन्दै मन्त्री किराँतीले प्रश्न गरेका छन्।

किराँतीले नेपालको उड‍्डयन सुरक्षामाथि पनि गम्भीर प्रश्न उठिरहेको बेला उड‍्डयन सुरक्षालाई प्रभावकारी बनाउनु पर्ने आफ्नो कर्तव्य र जिम्मेवारी निर्वाह गर्न तपाईं असफल रहेको किन मान्नु नपर्ने? भन्दै प्रश्न गरेका छन्।