ललिता निवास प्रकरणमा सीआईबीले भन्यो – मुलुकी ऐन २०२० अनुसार मुद्दा चलाउँछौँ, हदम्याद लाग्दैन

काठमाडौँ । नेपाल प्रहरीको केन्द्रीय अनुसन्धान ब्यूरो (सीआईबी) ले ललिता निवास जग्गा प्रकरणमा मुुलुकी ऐन, २०२० अनुसार सरकारी लिखित कीर्तेमा हदम्याद लागू नहुने बताएको छ ।

सीआईबीले पत्रकार सम्मेलन गरी सो जानकारी गराएको हो । उक्त प्रकरणको अनुसन्धान गरिरहेको सीआईबीले मंगलबार भानभटेनी सुपरमार्केटका सञ्चालक मीनबहादुर गुरुङ, निर्वाचन आयोगका पूर्व आयुक्त सुधीरकुमार शाहसहित ७ जनालाई पक्राउ गरेको थियो । तर, सर्वोच्च अदालतको २०७९ साउनकै अन्तरिम आदेशका कारण तीन जना भने छुटेका छन् ।

एआइएजी किरण बज्राचार्यका अनुसार मुलुकी ऐन, २०२० मा सरकारी लिखत कीर्तेमा हद म्यादको व्यवस्था नभएको र त्यसअनुसार नै मुद्दा चलाउन लागिएको हो । मुद्दा दर्ता नगर्ने प्रश्न नरहेको रमुद्दा दर्ता हुने उनले बताइन् । पक्राउ परेका व्यक्तिहरुको बयानका आधारमा थप अनुसन्धान गर्ने पनि उनको भनाई छ ।