आरजु राणाको नाम लिइएको अडियो सन्देश शर्माको आवाजसँग मिल्यो

काठमाडौँ। नेपाली कांग्रेसकी सांसद आरजु राणाको नाम लिइएको अडियो सन्देश शर्माको आवाजसँग मिलेको छ। प्रहरीका अनुसार नक्कली भुटानी शरणार्थी प्रकरणमा आरजुकोे नाम लिइएको अडियो शर्माको आवाजसँग मिलेको पाइएको हो।

राणाले आफ्नो नाम जोडेर फेक अडियो सार्वजनिक भएको भन्दै छानबिन गरी दोषीलाई कारबाही गर्न माग राखेर नेपाल प्रहरीको साइबर ब्यूरोमा निवेदन दिएकी दिएपछि सो अडियो शर्माको आवाजसँग मिलेको हो।

सो अडियो टिकटकमा कसले पहिलो पटक राखेको थियो भन्ने बारेमा टिकटक सिंगापुरसँग जानकारी मागेको नेपाल प्रहरीका प्रवक्ता कुवेर कडायतले जानकारी दिएका छन्।

दाङका शर्मा नक्कली शरणार्थी प्रकरणमा पक्राउ परेर थुनामा थुनामा छन्।