विमानस्थलबाट ४० तोला सुनसहित एक जना पक्राउ

काठमाडौँ। त्रिभुवन अन्तर्राष्ट्रिय विमानस्थलबाट ४० तोला सुनसहित एक जना पक्राउ परेका छन्। कतारबाट फर्केका सुर्खेतका कृष्णबहादुर चौधरी ४० तोला सुनसहित पक्राउ परेका छन्।

कतार एयरको ६५२ नम्बरको उडानबाट आइतबार विहान त्रिभुवन अन्तर्राष्ट्रिय विमानस्थल आइपुगेका चौधरीको साथबाट भन्सार कार्यालयका कर्मचारीले ४० तोला सुन फेला पारेको हो। लगत्तै भन्सार कार्यालयका अधिकारीले प्रहरीलाई खबर गरेको थियो। भन्सार जाँचका क्रममा चौधरी सुनसहित पक्राउ परेको प्रहरीले पुष्टि गरेको छ।

उनले लुकाई छिपाई सुनका चार वटा विस्कुट ल्याएका थिए। बरामद सुन चौधरीकै हो वा उनी भरियामात्र हुन् भन्ने विषयमा अनुसन्धान भइरहेको प्रहरी स्रोतले बताएको छ।