काठमाडौँ । मनाङ एयरको एनए–एमभी हेलिकप्टर दुर्घटनामा परी ५ जनाको मृत्यु भएको छ भने एक जना बेपत्ता रहेका छन् । उनको खोजीकार्य भइरहेको प्रहरीले जनाएको छ ।
हालसम्म ५ जनाको शव फेला परेको प्रहरीले जनाएको छ ।
मनाङ एअरको हराएको हेलिकप्टर खोज्न अल्टिच्युड एअर हेलिकप्टर परिचालन गरिएको थियो। बिहान १० बजेर १ मिनेट जाँदा सम्पर्कविहीन भएको मनाङ एअरको हेलिकप्टर खोजीकार्य भइरहेको थियो ।
सोलुखुम्बुको सुर्केबाट काठमाण्डौका लागि उडेको मनाङ एअरको ९ एनए–एमभी कलसाइन भएको हेलिकप्टर सम्पर्कविहीन भएको थियो।
हेलिकप्टरमा चालकसहित ६ जना रहेका थिए । हेलिकप्टरमा पाँच जना मेक्सिकन नागरिक रहेका छन्।
सोलुखुम्बुको खुम्बु पासाङल्हामु गाउँपालिका– २ सुर्के हेलिप्याडबाट हेलिकप्टर बिहान १० बजेर ५ मिनेटमा उडेको थियो।
