सप्तकोसीमा मालवाहक ट्रक खस्यो, तीन जनाको सकुशल उद्धार

काठमाडौँ । सप्तकोसी नदीमा मालवाहक ट्रक खसेको छ ।

पश्चिमबाट पूर्वतर्फ गइरहेको मे १ ख ३००७ नम्बरको मालवाहक ट्रक र पूर्वबाट पश्चिमतर्फ आइरहेको मे १ ख १७६५ नम्बरको यात्रुवाहक बस आपसमा ठोक्किँदा ट्रक सप्तकोशीमा खसेको हो ।

दुई ट्रक आपसमा ठोक्किई सप्तरी र सुनसरीको सीमा छुटयाउने कोसी ब्यारेजको पुलको १० नम्बर ढोका अगाडिबाट ट्रक सप्तकोसी नदीमा खसेको प्रहरीले जनाएको छ ।

प्रहरी र स्थानीयको सहयोगमा ट्रकमा सवार तीन जनाको सकुशल उद्धार गरिएको छ ।

बसका यात्रुहरू भने सकुशल रहेको बताइएको छ । प्रहरीका अनुसार नदीमा खसेको मालवाहक ट्रकबाट सामान नदीमा बगेको तथा ट्रकलाई निकाल्ने प्रयास भइरहेको छ ।