सिड्नी निवासी अंशिकालाई मिस युनिभर्सको ताज

• बिहीबार, १६ पुष, २०७७
• 2 weeks ago
• अष्ट्रेलिया

सिड्नी । अष्ट्रेलिया निवासी अंशिका शर्माले मिस युनिभर्सको ताज जितेकी छिन् । बुधवार राति भएको फाइनलमा उनले अन्य प्रतिस्पर्धीलाई उछिन्दै ‘मिस युनिभर्स नेपाल २०२०’ को ताज जितेकी हुन् । जितसँगै अंशिकाले १० लाख नगदसहित १५ लाख बराबरको क्राउन हात परेकी छन्।

 

प्रतियोगिताको फाइनलमा शर्मासहित मस्को निवासी निनाकान्ता मण्डल, अमेरिका निवासी सुजिता बस्नेत, काठमाडौँ निवासी दिक्ता थापा र विराटनगर निवासी न्यान्सी खड्का पुगेका थिए। 

 

प्रतियोगिताका लागि ५०० आवेदन परेको आयोजकले जनाएका थिए। विभिन्न चरण पार गर्दै फाइनलमा भने १८ जनालाई र्‍याम्पमा उतारिएको थियो।

 

 

अंशिका अष्ट्रेलियाको सिड्नीमा बसोबास गर्दै आएकी छिन् । उनी काठमाडौँ कोटेश्वरकी स्थायी बासिन्दा हुन् । यसै वर्षको प्रारम्भमा उनले अष्ट्रेलियामै सम्पन्न मिस नेपाल ओसेनियामा फष्ट रनर्स अपको उपाधि जितेपछि मिस यूनिभर्स नेपालमा सहभागिता जनाएकी हुन् ।

 

मिस यूनिभर्स नेपाल–२०२० को ताज जितेसँगै अंशिकाले अब मिस यूनिभर्स–२०२० मा नेपालको प्रतिनिधित्व गर्नेछिन् ।

• अंशिका शर्मा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।