ओरालो लागेको अर्जेन्टिना कतै कतारसँग पनि पराजित हुने त होइन ?

• आइतबार, ८ आषाढ, २०७६
• 3 years ago
• खेल

एजेन्सी । सन् २०१४ को विश्वकपमा लागेको थियो अर्जेन्टिनाले उपाधि जित्छ । तर, स्ट्राइकरहरु चुकेपछि फाइनलमा जर्मनीसँग पराजित हुन पुग्यो । सन् २०१५ को कोपा अमेरिका फाइनलमा चिलीसँग अर्जेन्टिना पेनाल्टीसुटआउटमा पुग्यो । सोही नियती सन् २०१६ को विशेष कोपा अमेरिका कपमा पनि देखियो । 

 

सन् २०१८ को विश्वकप अर्जेन्टिनाले जित्ने धेरैले दाबी गरे । तर, लिग चरण पनि ठुलो भाग्यका कारण पार परेको अर्जेन्टिना फ्रान्ससँग पराजित हुन पुग्यो ।

 

 एकपछि अर्को विशेष कपहरुमा अर्जेन्टिनाको मनोबल गिरेको देखिन्छ । सन् २०१९ को कोपा अमेरिका कपमा अर्जेन्टिनाले सानदार खेल खेल्ने अपेक्षा फ्यानहरु गरेका थिए । 

 

तर, पहिलो खेलमा नै कोलम्बियासँग पराजित हुन पुग्यो । दोस्रो खेलमा त जित हात पार्ला भनेको अलिकति भाग्यले साथ दिदाँ एकएक गोलको बराबरी खेल्दै अंक बटुल्न सफल भयो । 

 

लिग चरणको अन्तिम खेलमा पनि ठुलो भाग्यको आवश्यकता रहेको छ । कतारलाई पराजित गर्न सके अर्को चरणमा पुग्ने सम्भावना बलियो रहेको छ । 

 

समीक्षकहरुका अनुसार अर्जेन्टिनाको खेलले ओरालो लाग्नुमा सही प्रशिक्षक अनुबन्ध नगर्नु रहेको छ । उनीहरुका अनुसार खेलाडीलाई बुझ्ने प्रशिक्षकको आवश्यकता अर्जेन्टिनालाई रहेको छ । 

 

तर, अर्जेन्टिनामा पछिल्लो समय सबै उल्टो चलिरहेको उनीहरुको ठम्याई छ । यस अवस्थामा खेलाडीहरु निराश हुने र खेलमा सुधार नदेखिने गरेको उनीहरुको भनाई छ । 

 

• Argentina

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।