एमबाप्पेको कीर्तिमानी गोलमा फ्रान्सले ग्रीसलाई हरायो

एजेन्सी । युरो छनोट अन्तर्गत फ्रान्सले संघर्षपूर्ण जित निकालेको छ । गएराति भएको समूह ‘बी’ अन्तर्गतको खेलमा फ्रान्सले ग्रीसलाई १–० गोलले पराजित गरेको हो ।

फ्रान्सको जितमा एकमात्र गोल किलियन एमबाप्पेले गरे । उनले खेलको ५५ औं मिनेटमा पेनाल्टीमार्फत गोल गरेका हुन् ।

योसँगै एमबाप्पे क्लब र देशका लागि एकै सिजनमा ५४ गोल गर्ने पहिलो फ्रान्सेली खेलाडी समेत बनेका छन् ।

फ्रान्सको यो लगातार चौंथो जित हो । फ्रान्स १२ अंकका साथ तालिकाको शीर्षस्थानमा रहँदा ग्रीस ३ खेलबाट ६ अंकका साथ दोस्रो स्थानमा छ ।