केपी ओली कमरेड होइनन् प्रतिगमनकारी हुन्ः अष्टलक्ष्मी शाक्य

• बुधबार, २९ पुष, २०७७
• 1 week ago
• राजनीति

काठमाडौँ । नेकपाको प्रचण्ड–नेपाल समूहको नेकपाको स्थायी कमिटी सदस्य एवं वाग्मती प्रदेश इन्चार्ज अष्टलक्ष्मी शाक्यले केपी शर्मा ओली ओली कमरेड नभएर प्रतिगमनकारी भएको बताएकी छन् । बुधबार प्रचण्ड–नेपाल नेतृत्वको काठमाडौँ जिल्ला कमिटीले आयोजना गरेको कार्यकर्ता भेलामा शाक्यले कमरेड नभएर ओली प्रतिगमनकारी भएको बताएकी हुन् ।

 

‘अब केपी ओली कमरेड हैन, कमरेड भन्न छोडिसकेको छु । उहाँ प्रतिगमनकारी हो । तानाशाही हो, स्वेच्छाचारी हो । उहाँले गणतन्त्रलाई धावा बोल्यो । हामीले दुःख गरेर ल्याएको संविधानमा धावा बोले । संघीय लोकतान्त्रिक गणतन्त्रमाथि अपहरण भएको छ । आज हामीले त्यस्तो व्यक्तिलाई किन कमरेड भन्ने ?,’ शाक्यले भनिन् ।

 

त्यस्तै, शाक्यले ओलीको प्रगिगमनविरुद्ध काठमाडौँ तातिसकेको भन्दै अब आन्दोलन नसेलाउने बताइन्। ‘काठमाडौँ तात्दै तात्दैन, तातेपछि सेलाउँदैन । ओलीको प्रतिगमनविरुद्ध काठमाडौँ तातिसक्यो अब परिवर्तन भएर छाड्छ’ उनले भनिन्।

 

अब ओलीलाई प्रधानमन्त्रीको कुर्सीबाट हटाउने बेला भइसकेको बताइन्। ओलीको कुरा सुन्न फुर्सद अब जनतासँग नभएको भन्दै शाक्यले पुष्पलालबाट प्रशिक्षित काठमाडौँले लोकतन्त्रको साथ दिने बताइन्।

• अष्टलक्ष्मी शाक्य

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।