किन बन्यो अष्ट्रेलिया आईएसको तेस्रो प्रमुख निशानामा ?

• बुधबार, ५ मंसिर, २०७५
• 4 years ago
• अष्ट्रेलिया

अष्ट्रेलिया अन्तर्राष्ट्रिय आतंकवादी संगठन इस्लामिक स्टेटको तेस्रो प्रमुख निशानामा परेको प्रतिवेदन सार्वजनिक भएको छ । अमेरिकाको प्रभावशाली कंग्रेसियल कमिटिले सार्वजनिक गरेको प्रतिवेदनमा अष्ट्रेलिया आईएसको निशानामा रहेको पश्चिमा मुलुकहरुमध्येको तेस्रो प्रमुख मुलुक रहेको उल्लेख छ । हरेक देशमा आईएसको लिंक–प्लटका आधारमा सूची तय गरिएको रिर्पोटमा उल्लेख गरिएको छ । आक्रमणको सूचीमा अमेरिका र फ्रान्स आईएसको पहिलो र दोस्रो नम्बरमा रहेका छन् । बेलायतमा भएका ८ आठवटा आतंकवादी हमलालाई समेत आइएससँग जोडेर हेरिएको छ । 

 

आतंकवादी घटनामध्येका १०१ घटनालाई पहिचान गरी आइएससँग ती घटनाहरुको सम्बन्ध जोडिएको छ । 

 

न्यायमन्त्री माइकल किनानले भनेका छन्,‘रिर्पोट आश्चर्य लाग्दो छैन ।’

 

पत्रकारहरुसँग एडेलआइडमा बोल्दै उनले भने,‘यसबारे हामीलाई पहिला नै जानकारी थियो ।’

 

हामीलाई थाहा छ आइएसआइएलले अष्ट्रेलियालाई केही समयका लागि निशाना बनाइराखेको छ । तर हमी यसबारे जानकार छौ र जस्तौसुकै चुनौतीको सामना गर्न पनि तयार रहेका छौ ।’

 

‘उनीहरु हाम्रो रहनसहनलाई धृणा गरेकै कारण हामीलाई निशाना बनाएका हुन् । उनीहरुको डरधम्कीले हामी डराउनेवाला छैनौ ।’

 

मिस्टर किनानले भने,‘कुनै पनि राष्ट्र अन्तराष्ट्रिय आतंकवादलाई रोक्न अष्ट्रेलियाजति सक्षम रहेका छैनन् ।’

 

उनले अरु राष्ट्रहरुलाई इंगित गर्दै भने,‘२.५ बिलियनमात्र राष्ट्रिय सुरक्षा स्थित सुधारका लागि खर्च हुने गरेको छ ।’

 

अष्ट्रेलियामा अझै डरको अवस्था रहेको

 

न्यायमन्त्री किनानका एक मित्रले अष्ट्रेलियामा अझै आतंकवादी संगठन आइएसको त्रास रहेको बताएका छन् । 

 

‘एफपी र एएसआइओ तथा अरु एजेन्सीहरुले आतकंवादीहरुको आक्रमण गर्ने ९ वटा योजना बिफल पार्दी सकेका थिए र अरु पनि प्रक्रियामा नै रहेका छन् ।’

 

‘हामीलाई त्यस्ता हुनसक्ने आक्रमणबारे जानकारी हुनु आवश्यक रहेको छ ।’

 

डुटोनले आतंकवादी संगठन विरुद्ध लड्न बनेको देशहरुको गठबन्धनले ठुलो महत्व राखेको बताएका छन् । 

 

 डुटोनले भनेका छन् ‘यदी उनीहरु र्याडिक नै रहे भने, उनीहरु छन् पनि, उनीहरुले अवश्य नै अष्ट्रेलियनहरु मार्नेछन् ।’

 

अमेरिकाको होमल्याण्ड सेकुरिटी कमिटीले दिएको जानकारी अनुसार आइएस–लिंक आक्रमणहरु अत्यन्त खतरनाक र विनाशकारी हुदै गएको छ । 

 

उनीहरुले जारी गरेको सुचीमा शंकास्पद आतंककारी ८० प्रतिशत २६ वर्षदेखि ३० वर्ष मुनिका र ८९ प्रतिशत पूरुष रहेका छन् । 

 

• Australia

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।