अष्ट्रेलियाको केन्द्रीय बैंकले ब्याज दर बढायो

• शुक्रबार, २३ बैशाख, २०७९
• 1 month ago
• अष्ट्रेलिया

सिड्नी। अष्ट्रेलियाको केन्द्रीय बैंकले ब्याज दर बढाएको छ। आम चुनाव नजिकिँदै गर्दा अष्ट्रेलियाको केन्द्रीय बैंकले ब्याज दर बढाएको हो। केन्द्रीय बैंकले मंगलबार नगद दर २५ आधार बिन्दुले ०.३५ प्रतिशत मा बढाइने भएको हो।

 

करीब १ दशकको समयमा पहिलो पटक ब्याजदर वृद्धि भएको हो। यसभन्दा अघि सन् २०१० को नोभेम्बर महिनामा अष्ट्रेलियामा ब्याजदर बढाइएको थियो।

 

रिजर्व बैंक अफ अष्ट्रेलियाका अनुसार निक्षेपको ब्याजदर शून्य दशमलव एक प्रतिशतबाट बढाएर शून्य दशमलव ३५ प्रतिशत पुर्याएको छ। पेट्रोलियम पदार्थ, आवास निर्माण र खाद्यान्नको लागत बढेका कारण पहिलो त्रैमासिक अवधिमा अस्ट्रेलियाको उपभोक्ता मूल्य दुई दशक यताकै तीव्र गतिमा बढेको छ। 

 

अष्ट्रेलियामा पछिल्लो त्रैमासमा खाद्यान्न, पेट्रोल र अन्य उपभोग्य वस्तुको मूल्य बढेको छ। अष्ट्रेलियाको उपभोक्ता मूल्य सूचकांक पहिलो त्रैमासिकमा लागि २.१ प्रतिशतले बढ्यो। जबकी यसको अनुमान १.७ प्रतिशत गरिएको थियो। वार्षिक आधारमा, उपभोक्ता मुद्रास्फीति ५.१ प्रतिशतले बढेको छ। यो वृद्धि  २००१ यताकै उच्च भएको तथ्यांकहरूले देखाएको छ।

• अष्ट्रेलिया

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।