हिन्दी फिल्म चल्न दिन उच्च अदालतको आदेश

काठमाडौँ। हिन्दी फिल्म आदिपुरुष चल्न दिन पाटन उच्च अदालतले आदेश दिएको छ।

फिल्ममा भएको एउटा डाइलगलाई लिएर महानगर प्रमुख बालेन शाहले फिल्म चल्न रोक लगाएका थिए।

फिल्मको प्रदर्शन रोकेपछि त्यसविरुद्ध चलचित्र संघले हालेको रिट निवेदनमा प्रारम्भिक सुनुवाइ गर्दै न्यायाधीश धीरबहादुर चन्दको इजलासले अल्पकालीन अन्तरिम आदेश जारी गरेको हो।

आदेशबारे छलफल गर्न असार १२ गते दुवै पक्षलाई बोलाइएको छ। आदेश सार्वजनिक नहुँदै मेयर बालेनले अदालत प्रति कडा रोष प्रकट गरेका छन्।