मन्दिर प्रवेश गर्नुअघि किन बजाइन्छ घण्टी ?

• शनिबार, ४ चैत, २०७९
• 1 week ago
• जीवनशैली
• विचित्र विश्व

एजेन्सी । हामी सबैजसो मन्दिरमा पूजा गर्न जान्छौँ । तपाईले मन्दिरको ढोकामा घण्टी बाँधिएको देख्नुभएकै होला । सामान्यतया मानिसहरू मन्दिर भित्र जानु अघि घण्टी बजाउँछन् ।

 

यसपछि मात्र भगवानको पूजा र दर्शन गर्ने गरिन्छ । हिन्दू धर्ममा मन्दिर बाहिर घण्टी बजाउने चलन शताब्दीयौं पुरानो हो तर के तपाईलाई थाहा छ मन्दिर प्रवेश गर्नुअघि घण्टी किन बजाइन्छ ? यसको पछाडि वैज्ञानिक र धेरै विशेष कारण छ ।

 

बिहान बेलुका मन्दिरमा पूजा–आरती हुँदा साना–ठूला घण्टी विशेष लय र धुनमा बजाइन्छ । घण्टी बजाउँदा मन्दिरमा स्थापित देवताको मूर्तिमा चेतना जागृत हुने जनविश्वास छ । यसपछि उनको आराधना र उपासना अधिक फलदायी र प्रभावकारी हुन्छ । आउनुहोस् जानौं मन्दिरमा घण्टी बजाउनुको वैज्ञानिक कारण के हो ?

 

पुराणमा भनिएको छ कि मन्दिरमा घण्टी बजाउँदा मानिसका धेरै जन्मका पाप नष्ट हुन्छन् । भनिन्छ सृष्टि सुरु हुँदा जुन आवाज गुंजिएको थियो, घण्टी बज्दा पनि त्यही आवाज आउँछ । घण्टीलाई सोही आवाजको प्रतीक मानिन्छ ।

 

मन्दिर बाहिरको घण्टीलाई घण्टे कालको प्रतीक मानिन्छ । यो पनि विश्वास छ कि जब पृथ्वीमा विनाश हुनेछ, त्यो बेला पनि घण्टी बज्ने जस्तै आवाज वायुमण्डलमा सुनिनेछ । मन्दिरमा घण्टी बजाउनुको पछाडि धार्मिक मात्र नभएर वैज्ञानिक कारण पनि छन् ।

 

बैज्ञानिकहरुका अनुसार घण्टी बज्दा वातावरणमा कम्पन उत्पन्न हुन्छ र यो वायुमण्डलका कारण धेरै टाढासम्म पुग्छ । यस कम्पनको फाइदा यो हो कि यसको दायरा भित्र आउने सबै ब्याक्टेरिया, भाइरस र सूक्ष्म जीवहरू नष्ट हुन्छन् । यसले मन्दिर र वरपरको वातावरणलाई शुद्ध बनाउँछ ।

 

भनिन्छ जुन स्थानमा घण्टी बज्ने गर्छ, त्यहाँको वातावरण सधैं शुद्ध र पवित्र रहन्छ । घण्टी बजाउँदा नकारात्मक उर्जाहरु हट्ने मान्यता पनि छ । यसले जनताका लागि समृद्धिको ढोका खोल्छ ।

 

• घण्टी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।