विप्लव भारतमा रहेकाे सुरक्षा संयन्त्रकाे निष्कर्ष, जहाँ देख्याे त्यहिँ समात्न 'सर्कुलर'

• बुधबार, २० भदौ, २०७५
• 4 years ago
• राजनीति

काठमाडौँ । सशस्त्र क्रान्तिको नारा दिएर अर्धभूमिगत राजनीति गरिरहेको नेकपाका महासचिव नेत्रविक्रम चन्द ‘विप्लव’ पछिल्लो समय भारतमा बसेर पार्टीका गतिविधि सञ्चालन गर्दै आइरहेको निष्कर्षमा सुरक्षा संयन्त्र पुगेको छ । 

 

संगठनमा विस्तारमा सक्रिय नेकपाका नेताहरू खड्गबहादुर विश्वकर्मा र उमा भुजेल लगायतका नेताहरू धमाधम पक्राउ पर्न थालेपछि विप्लव पछिल्लो समय भारतमा सेल्टर लिएर गतिविधि गर्न थालेको निष्कर्षमा सुरक्षा निकाय पुगेको हो ।

 

'विप्लवको अधिकांश बास भारतमा हुने गरेको पाइएको छ । कतिपय समयमा गोप्य बाटोबाट उनी नेपाल आएको पनि देखिन्छ’, सुरक्षा स्रोतले भन्यो ।

 

भोजपुर जिल्ला अदालतले बम विष्फोट प्रकरणमा विप्लवलाई पक्राउ गरेर अदालत उपस्थित गराउन आदेश दिएपछि विप्लव प्रहरीको खोजी सूचीमा छन् । त्यसयता विप्लव कुनै पनि सार्वजनिक कार्यक्रममा देखिएका छैनन् ।

 

नेपाल प्रहरीले देशभर ‘सर्कुलर’ जारी गर्दै विप्लवलाई जहाँ देख्यो, त्यही समात्न आदेश जारी गरेको छ । विप्लवलगायत नेकपाका सबै नेताहरुले प्रयोग गर्ने टेलिफोन नम्बर पनि अफ छ ।

• Biplob

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।