‘ठग्स अफ हिन्दुस्तान’ ट्रेलरः अमिर–अमिताभको लडाईं

• प्रतिक्षा भट्ट
• बिहीबार, ११ असोज, २०७५
• 4 years ago
• कला र मनोरञ्जन

काठमाडौँ । बुहप्रतीक्षित फिल्म ‘ठग्स अफ हिन्दुस्तान’ को ट्रेलर सार्वजनिक भएको छ । यशराज ब्यानरमा निर्माण भएको फिल्मको ट्रेलर यशराज चोपडाको जन्मदिनको अवसरमा आज सेप्टेम्बर २७ मा सार्वजनिक गरिएको हो । 

 

सत्रौँ शताब्दीको कहानीमा आधारित फिल्मको ट्रेलर बिहिबार मुम्बईको आईम्याक्स डोम थिएटरमा मूख्य भूमिकामा रहेका अमिर खान, अमिताभ बच्चन, कटरीना कैप र फातिमा बानु शेखको उपस्थितीमा सार्वजनिक गरिएको हो । 

 

बलिउड सुपरस्टार अमिर खान र अमिताभ बच्चनबीच पहिलो पटक फिल्मको पर्दामा हुन गइरहेको यो लडाईंले हलिउड फिल्म ‘पीरियड वार’ को झल्को दिनेछ । 

 

विजय कृष्ण आचार्यको निर्देशनमा बनेको यो फिल्ममा अंग्रेज शासनको गुलामीको दौरान स्वतन्त्रताको लागि संघर्ष गर्दै गरेको एक योद्धा र एउटा ठगको बीचको युद्धलाई देखाइएको छ । 

 

सन् १७९५ मा भारतमा ईस्ट इन्डिया कम्पनी व्यापार गर्ने उद्देश्यले आएको थियो । र त्यही बाहानामा उसले भारतमा कब्जा गर्ने तयारीमा थियो र यसको विरोधमा थुप्रै आवाज उठ्न शुरु हुन्छ त्यसमध्येमा आजाद र उसको समुन्द्री कबीलेको फौज हुन्छ । आजादको भूमिकामा अमिताभ बच्चनलाई देख्न सकिन्छ भने अमिर खानलाई ठगको भूमिकामा । उनको पहिरन निकै रोचक छ । 

 

ट्रेलर हेर्नुहोस्:

 

 

 

 

 

 

• ठग्स अफ हिन्दुस्तान

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।