प्रेममा धोका खाएपछि बलिउडसँग सम्बन्ध नभएकासँग विवाह गरेका चर्चीत सेलिब्रिटीहरु

• शनिबार, १४ पुष, २०७५
• 4 years ago
• कला र मनोरञ्जन

बलिउडमा अफेयर लामो समयसम्म चलेपनि एक समय त्यस्तो आएको छ जसकारण ब्रेकअप भएका घटनाहरु धेरै नै रहेका छन् । बलिउडमा माया पाउन त्यति सजिलो छैन । कति अभिनेता तथा अभिनेत्रीहरुले प्रेम सम्बन्धमा धोका खाएका छन् । कति प्रेमसम्बन्ध र मिडियादेखि पर समेत रहेका छन् । धेरै बलिउड अभिनेता तथा अभिनेत्रीहरुको एउटा न एउटा विगत रहेको छ । तर जब विवाह गर्ने समय आउँछ केही अभिनेता तथा अभिनेत्रीहरुले बलिउडबाट पर रहेका व्यक्तिहरुसँग विवाह गरेका छन् । उनीहरुलाई जीवनसाथीको रुपमा चुनेका छन् । 

 

१. शाहिद कपुर

बलिउडका चकलेटी नायकका रुपमा परिचीत साहिद कपुर पनि धेरै प्रेमिकाहरुबाट धोखा खाएकामध्येमा चिनिन्छन् । कहिले करिना कपुरसँगको सम्बन्ध त कहिले प्रियंका चोपडासँगको सम्बन्ध । करिनाले धोखा दिएपछि प्रियंकाको अगालोमा बाधिन पुगेका साहिदले विवाह भने मिरा राजपुत सँग गरेका थिए । प्रियंकासँगको सम्बन्ध पनि धेरै दिन नटिकेपछि साहिदले मिरासँग विवाह गरेका थिए । मिरा फिल्मी क्षेत्रसँग मतलब नराख्ने महिला हुन् । 

 

२. जोन अब्राहम

१० वर्षसम्म बिपासा बासुसँग रिलेशनसिपमा रहेका जोन अब्राहमको पनि ब्रेकअप भयो । जोनले आफ्नो धर्मपत्नी प्रिया रुचाललाई बनाए । उनी फिल्म ब्याग्राउण्डबाट होइनन् । फिल्म उद्योगदेखि उनको कुनै सम्बन्ध समेत रहेको छैन । हिमालचल प्रदेशमा बस्दै आइरहेकी प्रियाले अमेरिकाबाट आफ्नो अध्ययन सकेकी थिइन् । 

 

३. रविना टण्डन

कुनै समयकी चर्चीत नायिका रविना टण्डनले पनि नन फिल्मी व्यक्तिसँग विवाह गरिन् । अक्षय कुमारसँग तगडा अफयेर चलेपनि उनीहरुको ब्रेकअप भयो । अक्षयले अर्कैै अभिनेत्रीलाई मनपराउन थालेको थाहा पाएपछि रविनाले सम्बन्ध तोडेको बताइएको थियो । त्यसपछि रविनाले फिल्म डिस्ट्रीब्युटर अनिल थडानीसँग विवाह गरिन् । 

 

४. फरदिन खान

जानशीन फिल्मबाट आफ्नो फिल्मी करिअर सूरु गरेका फरदिन र अमृता अरोराबिच धेरै लामो समयसम्म अफयेर चल्यो । तर यो सम्बन्धले काम गरेन । फरदिन खानले पुरानो जमानाकी नायिका मुमताजकी छोरी नताशा माधवानीसँग विवाह गरे । नताशा फिल्मी संसारभन्दा पर छिन् । 

 

५. विवेक ओबरोय

ऐश्वर्य रायसँग अफयेर चलेपछि सलमान खानको धम्कीमाथि धम्की खाएका विवेकको चर्चा सोही विषयलाई लिएर आज पनि हुन्छ । तर ऐश्वर्याले अभिशेक बच्चनसँग लगनगाँठो कसिन् । विवेकले भने फिल्मी लाइनदेखि पर रहेकी सामजसेवी नन्दनी अलवाकी छोरी प्रिंयका अलवासँग विवाह गरे । 

 

६. करिस्मा कपुर

अभिशेक बच्चनसँग इन्गेजमेन्टसमेत गरेर सम्बन्ध टुटेपछि करिस्मा कपुरले फिल्मी लाइन देखि पर रहेका व्यापारी संजय कपुरसँग विवाह गरिन् । उनीलाई फिल्म देखि केही वास्था समेत रहेको थिएन । हाल यो जोडीको भने डिभोर्स भइसकेको छ । 

 

• Bollywood

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।