कोरोना भाइरसका कारण पोखरा आउन खोज्ने चिनियाँ पर्यटकले गरे बुकिङ क्यानसिल ?

• बुधबार, २२ माघ, २०७६
• 2 years ago
• नेपाल

पोखरा । पछिल्लो समय कोरोना भाइरसका कारण विश्वभर त्रास रहेको छ । यसले नेपालको पर्यटन व्यवसायमा पनि ठुलै धक्का हानेको पोखराका पर्यटन व्यवसायीहरुले बताएका छन् ।

 

जनवरीमा ठुलो संख्यामा चिनियाँ पर्यटकहरु आउने समय भएको तर, कोरोना भाइरसका कारण अति नै न्युन संख्यामा चिनियाँ पयर्टकहरु आएको बताइएको छ ।

 

पर्यटन व्यवसायी तथा अध्यक्ष नरेश भट्टराईका अनुसार हालसम्म पोखरामा बुकिङ गरेका ५०० जना चिनियाँ पर्यटकले बुकिङ क्यानसिल गरेका छन् ।

 

चिनियाँ नयाँ वर्ष र नेपाली भ्रमण वर्षमा हजारौँको संख्यामा चिनियाँ पर्यटनक नेपाल आउने अपेक्षा गरिएको थियो । सोही अनुसार पोखराका व्यापारीहरुले पनि तयारी गरेको उनले बताए ।

 

उनका अनुसार चिनियाँ पर्यटकमात्र नभई विश्वका अन्य देशबाट आउने पर्यटकको संख्यामा समेत कमी आएको छ । भ्रमण वर्ष सफल पार्न अन्य विकल्प खोजिनु पर्ने उनले तर्क पेश गरेका छन् ।

 

आन्तरिक पर्यटक लगायत भारत, बंगलादेश लगायत अन्य देशहरुबाट पर्यटकहरुलाई आकर्षित गर्नुपर्ने उनले बताए । यही अवस्था रहे भ्रमण वर्ष पनि सफल नहुने उनले बताएका छन् । 

 

• Pokhara

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।