सिके राउतले बुझ्नुपर्ने कुरा : जनमत संग्रह के का लागि ?

Norvic Hospital
फाइल फाेटाे

केपी ओली नेतृत्वको सरकारको एक वर्षे कार्यकालको समीक्षा हुँदै गर्दा नेपाली राजनितीमा एकाएक नयाँ विषयले माहोल तताएको छ । पृथकतावादी आन्दोलनको नेतृत्व गरेका सिके राउतले अदालतबाट सफाई पाएसँगै सरकार र सिके राउतबीचमा भएको राजनैतिक सहमतिले सरकारको राष्ट्रियतावादी चरित्र र व्यवहार कति सान्दर्भिक कति असान्दर्भिक भन्ने विषयले बहसलाई ततायो । देशको सार्वभौमसत्तालाई नै धावा वोलेर स्वतन्त्र मधेशको नेतृत्व गरेको सिके राउतसँगकोे राजनैतिक सहमतिलाई धेरैले सकारात्मक कदम भनेता पनि नेकपाकै नेताको विरोधले सरकारको यो निर्णयमाथि प्रश्न चिन्ह खडा गरिदियो ।

 

देशको सार्वभौमत्ताको रक्षा, स्वाधिनता, स्वतन्त्रता र भौगोलिक अखण्डतामा कुनै पनि असर नपर्ने गरि गरिएको राजनैतिक सहमतिको गरिएको सरकारको दावी भएता पनि सिके राउतको भोलिपल्टको गतिविधीले नै सरकारको विरोध गर्नेहरूलाई थप मलजल गरिदियो । दुई देशबीच गरिएको सहमति जसरी पृथकतावादी नेतृत्वसँग सहमति गरिनुले स्वतन्त्र मधेशको मुद्दालाई झन्–झन् बलियो वनाउने आधारशिला खडा हुने तर्क आइरहेको छ । 

 

देशको भौगोलिक अखण्डतालाई अक्षुण राख्दै सफल अवतरणका लागि सिके राउतका गतिविधी समयअनुकुल मत्थर हुनेमा सरकार विश्वस्त रहेता पनि स्वतन्त्र मधेशका नाममा देशका जनकपुर लगायत ठाउँमा देखिएको उत्ताउलोपनले सिके राउत देशको सुरक्षा लिएर देश नै दोहन गर्न लागेको छन भन्नेहरू पनि बग्रेल्ती देखिन्छन् । सिके राउतको देश विखण्डनको रणनीतिमा सरकार नै सहयोगी भूमिकामा रहेको विरोधीहरूले आरोप लगाउन थालेका छन् ।

 

देशद्रोहको मुद्दामा पटक–पटक हिरासतमा रहेका स्वतन्त्र मधेशका सूत्रधार सिके राउतसँग राजनैतिक सहमति भएको दिन नै दिएको अभिव्यक्तिमा स्वतन्त्रताको शव्द उच्चारणले आम जनतामा शंका उत्पन्न भएको थियो । त्यहि स्वतन्त्रताका नाममा राजनैतिक व्यवहार गरिने सरकारसँगको सहमतिले अब खुल्लम खुल्ला रूपमा स्वतन्त्र मधेशको मुद्दालाई जनमत संग्रहमार्फत् पुरा गर्न सकिने आत्मरतिमा रमेको सिके राउत छन् । सामाजिक संजालमा आएको अभिव्यक्ति र मधेशमा उनका कार्यकर्ताले उचालेको मागले आम नेपाली जनता सिके राउत देशको अखण्डताको रक्षा होइन, देश टुक्राउने रणनैतिक चालमात्र रहेछ भन्ने अनुमान सहि साबित हुन पुगेको छ । 

 

सरकारले नै जनअभिमतको अर्थ जनमत संग्रह होइन भनेर दैनिक नै खण्डन गरेता पनि सिके राउतको व्यवहारले उनी त्यहि विखण्डनवादी सोचको प्रारुपअनुरुप नै अगाडी बढेको पाइन्छ । जुन सरकारको र आम नेपाली जनताको भावना विपरीत छ । सरकारको मुल ध्येय भनेको असन्तुष्ट पक्षलाई पनि मूल राजनैतिक धारमार्फत देशमा समृद्धी, सशासन र विकासको लक्ष्य हो । यो भन्दा सरकारको अभिष्ट छैन । तर देश र जनताका लागि गरिएको सो राजनैतिक सहमति सिके राउतका लागि थप शक्ति हासिल गर्ने अस्त्र बनिदियो । जुन आम नेपाली जनतालाई स्वीकार्य हुन सक्दैन ।

 

देशको सार्वभौमसत्ता, स्वतन्त्रता र भौगोलिक अखण्डता देश र जनताका लागि साध्य हुन्, जुन कुरामा जनमत संग्रह कदापी हुन सक्दैन । जनमत संग्रह मार्फत् देशको विखण्डन गर्न सकिन्छ भन्ने ध्येय सिके राउत र आम कार्यकर्ताको भएता पनि त्यो स्वीकार्य हुन सक्दैन । आफनै शरीर काटेर अरुलाई दिन सकिदैन भन्ने आम सोचसम्म नभएको सिके राउतको यो रवैयाले उसको पतन निश्चित देखिन्छ । यहि सोचका साथ सिके राउतको गतिविधी झन्झन् बाक्लिदै गयो भने सरकार होइन आमजनता नै सिके राउतलाई सिध्याउन पछाडी पर्ने छैनन् । 

 

साँस्कृतिक र भौगोलिक विविधताले भरिएको स्वर्गसरि नेपालको विखण्डन के का लागि ? जनमत संग्रह लोकतन्त्र र जनताको अधिकारका लागि स्वभाविक मानिन्छ नकि देश नै टुक्राउने कि नटुक्राउने भन्ने विषयमा होइन । यो विषयमा सरकारको राजनैतिक सहमतिमा कुनै पनि दृष्टिकोणबाट अन्यथा मान्न सकिँदैन । व्यक्ति विशेषका अधिकारका र पिछडिएका वर्गका मुक्तिका लागि भएका गल्ति र कमजोरी स्वीकार्नका लागी गरिएको ११ बुँदे सहमतिको अर्थ आमरुपमा देश खण्डित गर्ने कुरामा जनमतसंंग्रह कदापी हुन सक्दैन । 

 

आन्दोलन राजनैतिक हुनुपर्दछ नकि अराजनैतिक । राजनिती देश र जनताका लागी हुनुपर्दछ । तर सिके राउत कसका लागि राजनीति गर्देछन् ? देश र जनताका मुक्तिका आन्दोलन हो भने त्यो स्वतन्त्र मधेश अथवा अलग राष्ट्र निर्माणका लागि होइन, देश विकास र समृद्ध नेपाली निर्माणका लागि हुनुपर्दछ । कसैको उक्साहट र कसैको स्वार्थपूर्तिका लागि गरिने राजनैतिक आडम्बरले स्वयं देशको विकासमा अवरोध गर्दछ नै, नेतृत्वको अस्तित्व नै नरहन पनि सक्दछ । यो तथ्यलाई सिके राउत र उनका कार्यकर्ताले बुझ्न ढिला गर्नुहुँदैन ।


Ipay: Payment Gateway of Nepal
Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

धरानबाट लागुऔषध सहित १ जना पक्राउ

  • 1 hour ago
धरानबाट लागुऔषध सहित १ जना पक्राउ

सुनसरी । सुनसरीको धरानबाट लागुऔषध सहित १ जना पक्राउ परेका छन्। धरान उप–महानगरपालिका– २ भानुचोकबाट लागुऔषध सहित १ जनालाई पक्राउ गरिएको हो। पक्राउ पर्नेमा धरान– १३ का २७ वर्षीय मिलन तामाङ रहेका छ

इराकको बसरामा विष्फोट हुँदा ४ जनाको मृत्यु

  • 1 hour ago
इराकको बसरामा विष्फोट हुँदा ४ जनाको मृत्यु

एजेन्सी । इराकको दक्षिणी शहर बसरामा मङ्गलबार भएको मोटरसाइकल विष्फोटमा चार जनाको मृत्यु हुनाको साथै अन्य चार जना घाइते भएको इराकी सेनाले जनाएको छ ।

वीरगञ्ज सीमामा अनिवार्य स्वास्थ्य परीक्षण

  • 1 hour ago
वीरगञ्ज सीमामा अनिवार्य स्वास्थ्य परीक्षण

वीरगञ्ज । कोरोना भाइरसको नयाँ भेरियन्ट ‘ओमिक्रोन’को सम्भावित जोखिमलाई ध्यानदिँदै वीरगञ्ज सीमा क्षेत्रमा ‘हेल्थडेस्क’ स्थापना गरी अनिवार्य स्वास्थ्य परीक्षण थालिएको छ ।



पर्यटन

खुलेको मौसम र गुर्जा गाउँ

खुलेको मौसम र गुर्जा गाउँ

बेनी । म्याग्दीको धवलागिरी गाउँपालिका–१ मा डाँडामा परेको हिमपात र बिहानीमा मौसम खुलेपछि देखिएको गुर्जा गाउँ ।

जीवनशैली

‘मट्का चिया’

‘मट्का चिया’

तुलसीपुर । हातमा मट्का चिया हुन्छ । नजर नाचतिर त्यो पनि म्युजिकसहितको हुन्छ । मट्काको स्वाद र टिकटक बनाउनेको नाचले त्यसै पनि मनोरञ्ज थप्ने गरेको हुन्छ, मट्का चिया घरमा । ‘ओपन रेष्टुरेन्ट’ र ‘नेचुरल’ हावाको आनन्द लिँदै टिकटक बनाउनेको नाच हेर्नेले उत्तिकै मनोरञ्जन लिने गर्छन्, त्यसैले छोटो समयमै चर्चित बन्यो ‘मट्का चिया घर’ ।

विचित्र विश्व

एकैपटक ९०० जना कर्मचारी बर्खास्तीमा परेपछि...

एकैपटक ९०० जना कर्मचारी बर्खास्तीमा परेपछि...

एजेन्सी । कोरोना कालमा बेरोजगारी ठुलो समस्याका रुपमा देखिएको छ । यस्तैमा ठूलो परिमाणमा जागिर खोसेको अनौठो घटना सार्वजनिक भएको छ ।