मृत्यु हुनुभन्दा ठीक अगाडि एक महिलाले दिइन् छोरालाई जन्म, कोरोनाले लियो पुरै परिवारको ज्यान

• बिहीबार, १८ मंसिर, २०७७
• 1 month ago
• अन्तर्राष्ट्रिय
• विचित्र विश्व

एजेन्सी ।भेन्टिलेटरमा उपचाररत एक  कोरोनाबाट पीडित महिलाले छोरालाई जन्म दिइन्। तर, ती महिला छोरालाई जन्म दिएको केही समयपछि मृत्युवरण गरिन् । त्यस्तै ती महिलाको बुबा र आमा पनि कोरोनाले मृत्यु भएको थियो । कोरोनाका कारण उनको सम्पुर्ण परिवारको मृत्यु हुन पुग्यो । 

यो घटना रुसको सेन्ट पिटर्बर्गको हो । अब परिवारमा ती नवजात शिशुमात्र बाँकी रहेका छन् । पितालाई भेट्ने क्रममा ३६ वर्षिया गर्भवती महिला स्वेतलाना सोरोचिन्सकायालाई कोरोना संक्रमण भएको थियो ।

 

पाँच नोभेम्बरमा कोरोनाका कारण उनको पिताको मृत्यु भयो । केही दिन पछि एक अस्पतालमा उनमा समेत कोरोना संक्रमण पुष्टि भयो । उनलाई एक ठुलो संक्रामक अस्पतालमा भर्ना गरियो ।

 

अस्पतालमा भर्ना भएको ३ दिनपछि उनले छोरालाई जन्म दिइन् । उनले डेलिभरी डेट दिएको ६ हप्ता अगाडि नै छोरालाई जन्म दिइन् । उनलाई भेन्टिलेटरमा राखेर उपचार गरिएको थियो ।

 

तर, उनको मृत्यु हुन पुग्यो । सोही क्रममा उनकी आमालाई समेत कोरोना संक्रमण भयो ।

 

उपचारका क्रममा उनको समेत मृत्यु भयो । स्वेतलाना एक डिभोर्सी थिइन् । उपचारका क्रममा उनले आफ्नो पतिको नाम समेत बताएकी थिइनन् । हाल ती बालक अस्पतालको रेखदेखमा रहेका छन् । 

• काेराेना

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।