पोर्चुगलको जितमा रोनाल्डोको दुई गोल

एजेन्सी । गएराति भएको युरोकप २०२४ को छनोट खेलमा पोर्चुगलले बोस्निया एण्ड हर्जगोभिनालाई ५-० गोलले पराजित गरेको छ ।

पोर्चुगललाई जित दिलाउन क्रिस्टियानो रोनाल्डोले दुई गोल गरे ।

त्यस्तै ब्रुनो फर्नानडेज, जाओ क्यानसेलो र जाओ फेलिक्सले एकएक गोल गरे ।

समुह जे मा अपराजित रहेको पोर्चुगलले ८ खेलबाट २४ अंक जोडेको छ । बोस्निया हर्जगोभिना ९ अंकका साथ पाँचौँ स्थानमा रहेको छ ।