शाहरुख खानकी दिदी किन डिप्रेशनको शिकार भइन् ?

• सोमबार, २३ साउन, २०७९
• 5 months ago
• कला र मनोरञ्जन

एजेन्सी । बलिउडमा चर्चित अभिनेता शाहरुख खान आज जुन स्थानमा छन् उनले त्यो प्राप्तिका लागि ठुलो संघर्ष गरेका छन् । सानो उमेरमा पिता गुमाएका उनले धेरै संघर्षका दिनहरु देखे । उनको परिवारको बारेमा आज जति चर्चा हुन्छ त्यति चर्चा उनको दिदीको हुँदैन । 

 

उनको दिदीका बारेमा पनि कमैलाई थाहा छ । उनी एक गुमनाम जीवन बिताइरहेकी छिन् । उनको परिवारका सदस्यहरु श्रीमती गौरी, अबराम, आर्यन, सुहानाका साथै शाहरुख खानले आफ्नी दिदी शेहनाज लालारुख खानलाई अत्यधिक माया गर्छन् र उनको जिम्मेवारी पनि आफैले लिएका छन् । माता पिता गुमाएसँगै उनको जीवनमा यसले ठुलो असर पार्न पुग्यो । अन्तत उनी डिप्रेशनमा गइन् । 

 

सानै उमेरमा आमाबुवा गुमाएका शाहरुखले दिदीको उपचारका लागि धेरै नै ठाउँ भौतारिए तर सफल हुन सकेनन् । बुवाको मृत्यु भएलगत्तै उनकी दिदी डिप्रेसनकी रोगी भएकी थिइन् ।

 

एक्कासी पिताको मृत शरिर देखेकी उनी मुर्छित परेकी थिइन् । त्यो घटनाले उनको मन मष्तिकमा नराम्रो असर पार्न पुग्यो । 

 

त्यसपछि उनी लगातार बिरामी पर्न थालिन् । 

 

एक अन्तर्वार्तामा यी कुरा शाहरुख खान आफैंले खुलाएका थिए । उनका अनुसार उनकी दिदीले दुई वर्षसम्म डिप्रेशनसँग लडिन् ।  ‘दिलवाले दुल्हनिया ले जाएंगे’ को सुटिङ गरिरहेका बेला दिदी पुनः डिप्रेशनमा गएको उनले बताएका थिए । त्यसपछि उनले उपचारका लागि दिदीलाई स्विटजरल्याण्ड पुर्याए समेत पुर्याएका थिए ।

 

• बलिउड

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।