मलाइका अरोराले नै अरबाज खान समक्ष राखेकी थिइन् विवाहको प्रस्ताव, अब खोलिन् डिभोर्सको कारण पनि

• मंगलबार, २० मंसिर, २०७९
• 1 month ago
• कला र मनोरञ्जन

एजेन्सी । मलाइका अरोराको रियालिटी शो ‘मुभिङ इन विथ मलाइका’को पहिलो एपिसोड सोमबार रिलिज भएको छ । जसमा मलाइकाले हिन्दी फिल्म इन्डस्ट्रीका आफ्ना साथीहरूको सहयोगको कुरा गरेको देखिएकी थिइन् । 

 

तर, यो पहिलो एपिसोडमा मलाइकाले आफ्ना पूर्व पति अरबाज खानसँगको सम्बन्धको बारेमा खुलेर कुरा गरेकी छिन् र डिभोर्सको कारण पनि बताएकी छिन् ।

 

कोरियोग्राफर फराह खानसँगको कुराकानीमा मलाइकाले आफ्नो विगत र वर्तमान सम्बन्धबारे चर्चा गरेकी थिइन् भने अरबाजलाई प्रपोज गरेको समयको स्मरण गरेकी थिइन् ।

 

मलाइकाले भनिन्,‘अरबाजलाई विवाहको लागि प्रस्ताव गर्ने म नै हुँ। कसैलाई थाहा छैन। अरबाजले मलाई प्रपोज गरेनन्। मैले उनलाई साँच्चै भनेको थिएँ, म बिहे गर्न चाहन्छु। तिमी तयार छौँ ? त्यसपछि उनले मलाई विवाहका लागि दिन र ठाउँ फिक्स गर्न भनेका थिए । त्यसपछि हाम्रो विवाह भएको थियो ।’

 

मलाइकाले डिभोर्सको कारण पनि खुलाएकी छन् । 

 

उनले भनिन्, ‘म सानै थिएँ । त्यसपछि म पनि परिवर्तन भएँ । म जीवनमा विभिन्न चीजहरू चाहन्थे र मलाई लाग्छ कि हामी वास्तवमा आज एक राम्रो जोडी थियौँ । 

 

त्यसपछि ‘दबंग’ रिलिज नहुँदासम्म आफुहरुबीचको कुरा ठीकठाक रहेको थियो । 

 

तर त्यसपछि भने सम्बन्ध एकनास नरहेको उनले बताइन् । त्यसपछि आफुहरु छुट्टिन थालेको उनले खुलासा गरिन् । 

 

• मलाइका अरोरा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।