इजिप्टमा सुरक्षा कारबाहीमा १८ लडाकू मारिए

• शुक्रबार, १६ कार्तिक, २०७५
• 4 years ago
• अन्तर्राष्ट्रिय

कायरो । इजिप्टका सुरक्षाकर्मीहरुले गरेको सुरक्षा कारबाहीमा परी यहाँका १८ लडाकू मारिएका छन् । 

 

देशको उत्तरी र मध्य सिनाइमा भएको आतङ्कवाद विरुद्धको कारबाही अभियानका क्रममा केही दिन अघि उनीहरु मारिएको अधिकारीहरुले जनाएका छन् । 

 

इजिप्टका सैन्य प्रवक्ताले बिहीबार भने, “एरिसको उत्तरी सिनाइमा भएको सुरक्षा कारबाहीमा दश जना लडाकू मारिएका छन् ।” 

 

घटनास्थलबाट अरु १२९ जनालाई गिरफ्तार गरिएको र विस्फोटक पदार्थहरु पनि नियन्त्रणमा लिइएको उहाँले जानकारी दिए । 

 

त्यसैगरी उत्तर र मध्य सिनाइमा अन्य आठ जना पनि सुरक्षा कारबाहीका क्रममा मारिएको अधिकारीहरुले जनाएका छन् । अन्य बन्दोबस्तीका सामग्रीहरु पनि सुरक्षाकर्मीले नियन्त्रणमा लिएका छन् । 

 

इजिप्टमा आतङ्कवादी विरुद्धको कारबाही अभियान गत फेब्रुअरीदेखि सुरु भएको छ । ‘सिनाइ २०१८’ नामक सो अभियानका क्रममा अहिलेसम्म करिब ४२० लडाकू र ३० जना सुरक्षाकर्मी मारिएका छन् । 

• Egypt

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।