एजेन्सी । बेलायती रक्षामन्त्रीले युक्रेनका राष्ट्रपति जेलेन्स्कीलाई कडा प्रतिक्रिया दिएका छन् । युक्रेनले अलिकति कृतज्ञता देखाउनुपर्ने उनको भनाइ छ ।
जेलेन्स्कीको भनाइबाट आक्रोशित भएका बेलायती रक्षा मन्त्री वेन वालेसले नेटो सम्मेलनमा उक्त प्रतिक्रिया दिएका हुन् ।
उनले भने,‘युक्रेनले हामीसामु हतियारको सुची दिएको छ । हामी अमेजन होइनौं।’
उत्तर एट्लान्टिक सन्धि संगठनको शिखर सम्मेलन बुधबार समाप्त भयो। तर, युक्रेनलाई सदस्यता भने पाएन ।
अर्कोतर्फ युक्रेनका राष्ट्रपति जेलेन्स्कीले रुससँग लड्नका लागि हतियार उपलब्ध गराउने वाचाको स्वागत गरेका छन् ।
नेटो सदस्यताको लागि स्पष्ट अडान नभएकोमा उनले निराशा व्यक्त गरे।
