मुख्यमन्त्री गुरुङद्वारा धम्पुस पिकको आरोहणमा निस्केको टिमलाई ‘बुच्चे नक्सा’ हस्तान्तरण

• सोमबार, २७ पुष, २०७७
• 2 weeks ago
• पर्यटन

पोखरा । गण्डकी प्रदेशका मुख्यमन्त्री पृथ्वी सुब्बा गुरुङले धम्पुस पिकको आरोहणमा निस्केको टिमलाई ‘बुच्चे नक्सा’ हस्तान्तरण गरेका छन् । नेपाल नयाँ नक्साको प्रयोग सुरु भइसक्दा पनि मुख्यमन्त्री गुरुङले भने नेपालको पुरानै नक्सा हस्तान्तरण गरेका हुन् ।

 

सरकारले जेठ ७ गते भारतीय अतिक्रमणमा परेका कालापानी, लिपुलेक र लिम्पियाधुरासहितको नेपालको नयाँ नक्सा प्रकाशित गरेको थियो । त्यसपछि तीन क्षेत्रलाई नेपालको निशान छापमा रहेको नक्सा संशोधन गर्नका लागि संविधान पनि संशोधन गरिएको थियो । हाल यही नक्सा प्रयोगमा छ । 

 

 

तर, मुस्ताङमा रहेको ६ हजार १२ मिटर अग्लो धम्पुस थापा पिकको आरोहणमा निस्केको टिमलाई सोमबार पोखरामा बिदाई गर्दै मुख्यमन्त्री गुरुङले नेपालको पुरानै नक्सा हस्तान्तरण गरेका हुन् ।

 

गण्डकी प्रदेश सरकारले भने अझै पुरानै नक्सा प्रयोग गरिरहेको छ । पुस २१ गते प्रदेश सभा बैठक बस्दा पनि सभाहलमा पुरानै नक्सा प्रयोग भएको थियो ।

• पृथ्वी सुब्बा गुरुङ
• गण्डकी प्रदेश

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।