चलचित्र गोर्खेको टाईटल गीत सार्वजनिक

• मंगलबार, ६ माघ, २०७७
• 1 month ago
• कला र मनोरञ्जन

काठमाडौँ । कोजु ईन्टरटेन्टमेनको ब्यानरमा हरि लामाको प्रस्तुति र तिर्थराम कोजु र हरि थापाको निर्माणमा तयार भएको चलचित्र ‘गोर्खे’मा समावेश गीत सार्वजनिक भएको छ । मुख्य दृश्य सहित टाईटल गीतको लिरिकल भिडियो सार्वजनिक गरिएको हो ।

 

बुढासुब्बा डिजिटलको अफिसिएल युट्युब च्यानलमार्फत सार्वजनिक भएको यस गीतमा आवाज, संगीत र एरेन्ज शास शाक्यको रहेको छ भने शब्द नग्वा फिन्जु पाख्रिनको रहेको छ ।

 

गीतमा चलचित्रका मुख्य पात्रहरुलाई फिचर्ड गरिएको छ । यसअघि ‘सिन्के अचार’ र ‘गाउँ भरि हल्ला भो’ बोलको गीत सार्वजनिक गरेर दर्शक श्रोताको मन जितेको यस चलचित्रको ‘गोर्खे ’ टाईटल गीत रिलिजसँगै चलचित्र हेर्ने र नेपाली चलचित्रलाई माया गर्ने दर्शकको मन जित्नेमा निर्माण पक्ष ढुक्क रहेको छ ।

 

नेपालको रमणीय स्थानहरु पाल्पा, बर्दघाट, धम्पुस, पोखरा र काठमाडौँ लगायत नेपालको रमणीय स्थानहरुमा छायांकन गरिएको यस चलचित्रलाई निर्देशक किम्मत गौतमले निर्देशन गरेका हुन ।

• गोर्खे

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।