अमेरिकाका डाक्टरद्वारा सुँगुरको मुटु मानव शरीरमा प्रत्यारोपण

• बुधबार, २८ पुष, २०७८
• 4 months ago
• अन्तर्राष्ट्रिय
• विचित्र विश्व

एजेन्सी । अमेरिकामा एक जना बिरामीको ज्यान बचाउने अन्तिम प्रयासमा अमेरिकी डाक्टरहरूले सुँगुरको मुटु  प्रत्यारोपण गरेका छन्। यस्तो प्रयोग चिकित्सा जगतमा पहिलो पटक गरिएको हो । 

 

मेरिल्याण्डको एक अस्पतालद्वारा गरिएको  प्रयोगात्मक शल्यक्रियाको तीन दिन पछि पनि बिरामीको स्वास्थ्य राम्रो छ। यो शल्यक्रियाको सफलताको बारेमा केहि भन्न धेरै चाँडो भए पनि, यो जीवन बचाउने प्रत्यारोपणमा जनावरका अंगहरूको प्रयोगमा दशकौं पुरानो अनुसन्धानको दिशामा एक कदम भएको मिडिया रिपोर्टका उल्लेख छ । 

युनिभर्सिटी अफ मेरील्याण्ड मेडिकल सेन्टरका डाक्टरहरूले प्रत्यारोपणले जनावरको मुटु, आनुवंशिक भिन्नतासँगै मानव शरीरमा तत्काल अस्वीकृतिको संकेत नगरी काम गर्न सक्ने देखाएको बताएका छन्। बिरामी डेभिड बेनेटका छोरा (५७) अनुसार उनलाई थाहा थियो कि यो प्रयोग सफल हुने कुनै ग्यारेन्टी थिएन, तर उनी मर्दै थिए, मानव हृदय प्रत्यारोपणको लागि अयोग्य र अर्को विकल्प थिएन।

अपरेशनको एक दिन अघि, बेनेटले भने,‘यो मेरो लागि गर या मरको अवस्था थियो’, बेनेटले युनिभर्सिटी अफ मेरील्याण्ड मेडिकल सेन्टरले उपलब्ध गराएको विज्ञप्तिमा भने,‘म बाँच्न चाहन्छु मलाई थाहा छ यो अँध्यारोमा तीर हान्नु जस्तै हो, तर मसँग यो अन्तिम विकल्प हो।’

 

उनको अझै पनि मुटु र फोक्सोमा मेसिनहरू प्रयोग गरिएको छ । अबका केही दिन उनको स्वास्थ्यको हिसाबले महत्वपूर्ण हुनेछन् ।

 

 

 

 

 

 

• बिरामी
• सुँगुरको मुटु

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।