आफूले चाहेको जस्तो टिम व्यवस्थापन भए वामदेव गौतम एमाले जान तयार!

काठमाडौँ। नेकपा एकता राष्ट्रिय अभियानका संयोजक वामदेव गौतमले आफूले चाहेको जस्तो व्यवस्थापन भए टिमसहित नेकपा एमालेमा जान तयार रहेको बताएका छन्। आइतबार एमाले पार्टी कार्यालय च्यासलमा भएको एमालेका अध्यक्ष केपी ओलीसँगको भेटवार्तापछि नेता गौतमले सो प्रतिक्रिया दिएका हुन्।

गौतमले एकता राष्ट्रिय अभियानलाई एमालेसँग एकीकृत गराइदिन आफू तयार रहेको भन्दै यसका लागि एमालेले आवश्यक व्यवस्थापन गरिदिनुपर्ने बताए। भेटमा आवश्यक व्यवस्थापनका लागि अघि बढ्न एमाले अध्यक्ष ओलीलाई भनेको गौतमले जानकारी दिए।

गौतमले पार्टीमा सबैभन्दा बढि जिम्मेवार प्राप्त नेता भन्दा कम जिम्मेवारी नदिन समेत आग्रह गरेको धारणा राखे। त्यस्तै, आफूले बिहान उठेदेखि नसुतेसम्म काम गर्न पाउने गरि जिम्मेवारी पाउनुपर्ने माग राखेको पनि बताए।