आयातमा कमी आउँदा लक्ष्य प्रभावित

सांकेतिक तस्वीर

वीरगञ्ज । भारत तथा तेस्रो मुलुकबाट आयात भई नेपाल भित्रिने फलाम, रक्सी, यातायातका साधनको आयातमा कमी आएपछि सुख्खा बन्दरगाह भन्सार कायलिय पर्सास्थित सिर्सियाले चालु आर्थिक वर्षमा तोकिएको लक्ष्य भेट्टाउन  नसक्ने भएको छ ।

 

चालु आर्थिक वर्ष २०७५/७६ को चैतमा रु. तीन अर्ब २४ करोड ५३ लाख ८८ हजार राजश्व सङ्कलनको लक्ष्य लिएकामा ७९ दशमलव ६९ प्रतिशत लक्ष्य हासिल गरी रु. दुई अर्ब ९८ करोड ६० लाख ९१ हजार मात्र राजश्व उठाउन सकेको छ ।

 

आर्थिक वर्ष २०७४/७५ को चैतमा रु. २० अर्ब ३७ करोड १८ लाख ६४ हजार राजश्व उठाउने लक्ष्य लिएकामा ९९ दशमलव ९ प्रतिशत लक्ष्य हासिल गरी रु १९ अर्ब ३७ करोड नौ लाख ३५ हजार राजश्व सङ्कलन गरेको थियो ।

 

सङ्घीय सरकारले तोकेको वार्षिक लक्ष्य रु ३६ अर्ब नौ करोड ३२ लाख रहेको छ । जुन लक्ष्य आर्थिक वर्ष २०७४/७५ भन्दा रु. ८ अर्बभन्दा बढी रहेको सूचना अधिकारी विकास साहले बताए ।

 

चालु आर्थिक वर्ष २०७५/७६ को साउनदेखि चैत मसान्तसम्म रु. २५ अर्ब ९९ करोड ४६ लाख पाँच हजार राजश्व उठाउने लक्ष्य लिएकामा भारत तथा तेस्रो मुलुकबाट आउने सामानको आयातमा कमी आएपछि ९१ दशमलव ७८ प्रतिशत मात्र लक्ष्य हासिल गरी रु. २३ अर्ब ८४ करोड ८२ लाख ७१ हजार मात्र राजश्व सङ्कलन हुन सकेको सुख्खा बन्दरगाह कार्यालयले जनाएको छ ।

 

तेस्रो मुलुकबाट आयात भई कोलकाता बन्दरगाहको बाटो हुँदै आउने रक्सी, पेयपदार्थ, गाडी बोकेको कन्टेनर त्यति मात्रामा नआएकाले राजश्व प्रभावित भएको हो । सो कारणले वैशाखमा रु ३ अर्ब २४ करोड ५३ लाख ८८ हजार राजश्व उठाउन कठिनाई हुने भएको छ ।

 

आर्थिक वर्ष २०७४/७५ को चैतमा रु. २० अर्ब ३७ करोड १८ लाख ६४ हजार राजश्व उठाउने लक्ष्य लिएकामा ९९ दशमलव ९ प्रतिशतले लक्ष्य हासिल गरी रु. १९ अर्ब ३३ करोड नौ लाख ३५ हजार राजश्व उठेको थियो ।

 

सुख्खा बन्दरगाह कार्यालयले भारतबाट आयात गरिने फलाममा मात्र सबभन्दा बढी २५ प्रतिशत राजश्व उठाउने गरे पनि हाल फलामको आयातमा कमी आएपछि चालु आवमा राजश्व लक्ष्य अनुरुप उठ्न नसक्ने सो कार्यालयले जनाएको छ ।

 

सरकारले भारतबाट चिनीको आयातमा प्रतिबन्ध लगाए पनि कोटा प्रणाली लागू गरेपछि केही मात्रामा चिनी आयात भइरहेको छ । यस वर्ष तेस्रो मुलुकबाट १०९ गाडी सिर्सिया भन्सार कार्यालय भएर भित्रिएको छ ।

 

वीरगञ्ज र कोलकाता बन्दरगाहबीच सहजीकरण नहुँदा, कोलकाता बन्दरगाहबाट रेलमार्ग हुँदै आउने सामानको भाडा दरमा एकरुपता नहुँदा राजश्व प्रभावित भएको सुख्खा बन्दरगाह कार्यालय सिर्सियाले जनाएको छ ।

 

हावाहुरीबाट ५० करोड क्षति

 

गत चैत १७ गते आएको हावाहुरीबाट पर्सा र बारामा गरी रु. ५० करोड तीन लाख ४९ हजार बराबरको तरकारी र अन्नबाली नष्ट भएको कृषि ज्ञान केन्द्र बाराले जनाएको छ ।

 

सो हावाहुरीबाट पर्सामा ३३९ हेक्टरमा लगाएको गहुँ, तरकारी, मसुरो र आँप पूर्णरुपमा नष्ट भएको छ । एक हजार ७२७ हेक्टरमा लगाइएको बालीनाली नष्ट हुँदा रु ११ करोड ७९ लाख ३४ हजार बराबरको क्षति भएको छ ।

 

यसैगरी हावाहुरीबाट बारामा १० हजार ९६ दशमलव ६७ हेक्टर क्षेत्रफलमा लगाइएको आँप, गहुँ, मकै, तरकारी र मसुरो पूर्ण रुपमा नष्ट भएको छ भने एक हजार ७२८ दशमलव ६७ हेकटरमा आंशिक क्षति भएको केन्द्रका प्रमुख जीतेन्द्र यादवले बताए ।

 

सो हावाहुरीबाट बारामा दुई हजार ८२५ दशमलव ३३ हेक्टर क्षेत्रफलमा लगाइएको सो बालीनाली क्षति हुँदा रु. ३८ करोड २४ लाख १५ हजार बराबरको नोक्सानी भएको यादवले बताए । (रासस)


ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

पिङ खेल्न गएकी बालिकालाई बलात्कार गर्ने बालक पक्राउ

  • 8 minutes ago
पिङ खेल्न गएकी बालिकालाई बलात्कार गर्ने बालक पक्राउ

धादिङवेशी । पिङ खेल्न गएकी बालिकालाई बलात्कार गर्ने एक बालक पक्राउ परेका छन् । पिङ खेल्न गएकी ४ वर्षीया बालिकालाई बलात्कार गर्ने १४ वर्षीय बालक पक्राउ परेका हुन् ।

धादिङमा स्करपियो दुर्घटना हुँदा ५ जना घाइते

  • 13 minutes ago
धादिङमा स्करपियो दुर्घटना हुँदा ५ जना घाइते

धादिङवेशी । धादिङमा स्करपियो दुर्घटना हुँदा ५ जना घाइते भएका छन् । बुटवलबाट काठमाडौँ जाँदै गरेको स्करपियो पृथ्वीराजमार्गस्थित धादिङको सलाङघाटमा दुर्घटना भएको हो ।

राष्ट्रपति भक्तपुर नआउने भएपछि नवदुर्गाको प्रसाद शीतल निवास पठाइने

  • 21 minutes ago
राष्ट्रपति भक्तपुर नआउने भएपछि नवदुर्गाको प्रसाद शीतल निवास पठाइने

भादगाउँ । राष्ट्रपति विद्यादेवी भण्डारी बडादशैंको कोजाग्रत पूर्णिमाका दिन नवदुर्गा देवगणको दर्शन र प्रसाद ग्रहणका लागि यस वर्ष भक्तपुर नआउने भएपछि नवदुर्गाको प्रसाद राष्ट्रपति निवासमा पठाउने तयारी भएक



पर्यटन

कस्यप ताल

कस्यप ताल

पाेखरा । पोखरा– २४ स्थित कस्यप ताल । करिब ५५ रोपनी क्षेत्रफलमा फैलिएकोे यस ताल कस्यप ऋषिले स्नान गर्ने गरेकोे धार्मिक र ऐतिहासिक महत्त्व रहे पनि तालको पर्याप्त संरक्षण हुन सकेको छैन । तस्बिर जमुनावर्षा शर्मा ÷रासस

जीवनशैली

सम्बन्ध तोडिनुको मुख्य ४ कारणहरु

सम्बन्ध तोडिनुको मुख्य ४ कारणहरु

एजेन्सी । मानिस मायाको महत्व भुल्ने गर्दछन् । जसकारण सम्बन्ध जोडिनुभन्दा तोडिने गर्छ । यद्यपी सम्बन्ध खराब हुनुका थुप्रै कारण हुनसक्छ । तर मुख्य कारण भने मनमुटाव रहेको छ ।

विचित्र विश्व

एक पिताले पुत्रको चौरासी पूजा गर्न पाउने सौभाग्य पाए

एक पिताले पुत्रको चौरासी पूजा गर्न पाउने सौभाग्य पाए

परासी । यहाँ एक पिताले पुत्रको चौरासी पूजा गर्न पाउने सौभाग्य पाएका छन् । नवलपरासी (बर्दघाट सुस्ता पश्चिम) मा एक बुबाले छोराको चौरासी पूजा गरेका हुन् । बाबुले छोराको चौरासी पूजा गरेको दृश्य विरलै देख्न पाइन्छ । सुनवल नगरपालिका–१२ हरकट्टाका १०८ वर्षीय केशवराज ज्ञवालीले आफ्ना जेठा छोरा दधिरामको आज चौरासी पूजा गराउँदै अरुलाई आशिष पनि दिए ।