असल छोरा : ७० वर्षीया आमालाई स्कुटरमा राखेर ४८ हजार किलोमिटरको तीर्थयात्रा गराए, भन्छन् ‘कार दिन चाहन्छु’

• शनिबार, ९ कार्तिक, २०७६
• 3 years ago
• अन्तर्राष्ट्रिय
• विचित्र विश्व

एजेन्सी । भारतको कर्नाटकस्थित मैसुरुमा बस्ने दक्षिणमूर्ती कृष्णा कुमार सन् २०१८ जनवरी १६ मा ‘मातृ सेवा संकल्प’ यात्रामा रहेका छन् । उनी ७० वर्षीया वृद्धा आफ्नी आमालाई स्कुटरमा राखे देश–विश्वको यात्रा गराइरहेका छन् ।

 

पछिल्लो पौने दुई वर्षमा उनी आमालाई भारतको १८ भन्दा बढी राज्यहरुको तीर्थस्थानमा दर्शन गराइसकेका छन् । उनी नेपाल र भुटान पनि पुगिसकेका छन् । यसका साथै उनले करीब ४८ हजार किलोमिटरको यात्रा स्कुटरमा नै गरेका हुन् ।

 

आमाप्रति यस प्रकारको प्रेम, स्नेह देखे मानिसहरु उनलाई २१ औं शताब्दीका ‘श्रवणकुमार’ पनि भन्न थालेका छन् । उद्योगपति आनन्द महिन्द्रा पनि स्वयं उनको प्रशंसक भएका छन् ।

 

आनन्द महिन्द्राले बुधबार उनको यस अद्भुत यात्रालाई ट्विट गर्दै उनको आफ्नी आमालाई गरेको प्रेमको प्रशंसा गरेका छन् । 

 

आमासँग यात्रा गर्नका लागि कृष्णा बेंगलुरुमा कर्पोरेट सेक्टरको जागिर पनि छाडेका छन् र २० वर्षको पूरानो बजाजको स्कुटर लिएर तीर्थयात्रामा निस्किए । यता उनको आमा चुडारत्न कर्नाटको मैसुरमा एक्लै थिइन् । र उनले छोरालाई ‘बेलुरहडी’ हेर्न चाहन्छु भनेर आग्रह गरिन् ।

 

कुमार भन्छन्, ‘संयुक्त परिवारमा मेरो बुबाको मृत्यु हुनुभन्दा पहिले आमा भान्छाकोठामा मात्र व्यस्त रहन्थिन् । मैले संकल्प लिएँ की मेरी आमालाई पनि राम्रो समय गुजारा गर्ने हक, अधिकार रहेको छ ।

 

यसपछि म बुबाले २० वर्ष पहिले मलाई दिनुभएको उपहार ‘स्कुटर’ लिएर आमालाई घुमाउन निस्किएको हुँ ।’

 

• दक्षिणमूर्ती कृष्णा कुमार

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।