इन्टरपोलमा नेपालको मत कसलाई ?

• शुक्रबार, ७ मंसिर, २०७५
• 3 years ago
• अन्तर्राष्ट्रिय

काठमाडौं । एक सय ९४ राष्ट्रले मत दिएर अन्तर्राष्ट्रिय प्रहरी संगठन इन्टरपोलको नयाँ अध्यक्ष छानेका छन् । दुबईमा भएको इन्टरपोलको बैठकमा धेरैको अनुमानविपरित रुसी उम्मेदवार अलेक्जेन्डर प्रोकोपुचक पराजित हुनुभयो । उहाँलाई दक्षिण कोरियाका किम जोङ याङले पराजित गर्नुभएको हो । हालका अपाध्यक्ष अलेक्जेन्डरलाई पराजित गर्न रुसविरोधी युरोपेली देश एकजुट भएका थिए र उनीहरुको निर्णायक बन्यो । रुसी उम्मेदवारलाई हराउन पश्चिमाहरु हात धोएर लागेको आरोप रुसले लगाएको छ ।

 

विभिन्न देशका मतदातामाथि दबाब दिएको आरोप रुसको छ । चीनले इन्टरपोलका अध्यक्ष मिङ होङवेललाई पक्राउ गरी भ्रष्टाचारको अभियोगमा कारबाही चलाएपछि नयाँ अध्यक्षका लागि निर्वाचन भएको हो । इन्टरपोलको इतिहासमा यसपटकको निर्वाच निकै महत्वपूर्ण र विवादास्पद बनेको छ । रुसी उम्मेदवारलाई रोक्न पश्चिमाहरु जुन तरिकाले लागे– त्यसले  भविष्यमा नयाँ चुनौती सृजना गर्न सक्छ । फरार सूचीमा रुसले आफ्नो स्वार्थअनुसारका व्यक्तिको नाममा चलखेल गर्न सक्ने भन्दै रुसी उम्मेदवारलाई रोकिएको थियो । 

 

इन्टरपोलको बैठकमा सहभागी हुन नेपालबाट आईजीपी सर्वेन्द्र खनाल, डीआईजी नीरज शाही र इन्टरपोल शाखाप्रमुख एसएसपी उमेशराज जोशी दुबई पुग्नुभएको थियो । आजको साप्ताहिक विमर्शबाट ।

 

• Interpol

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।