‘यदी बाजपेयी सकारले त्यो गल्ती नगरेको भए जम्मु काश्मिरमा यति ठुलो घटना हुने थिएन'

• मंगलबार, ७ फागुन, २०७५
• 3 years ago
• अन्तर्राष्ट्रिय

एजेन्सी । आज भारत शोकमा रहेको छ । जम्मु काश्मिरमा भएको दुई छुटाछुट्दै घटनामा एक जना मेजरसहित ४८ जना सैनिकले ज्यान गुमाएका छन् । यो घटनाको जडको बारेमा चर्चा भारतीय मिडिया तथा सुरक्षा विश्लेषकहरुले गर्न थालेका छन् ।

 

सन् १९९९ मा भएको त्यो घटनामा मसुद अजहरलाई नछोडेको भए आज यति ठुलो क्षति भारतले भोग्न नपर्ने सुरक्षा विश्लेषकहरुको तर्क रहेको छ ।

 

सन् १९९९ मा १७६ यात्रीहरु सवार विमान हाइज्याक भएपछि सुरु भएको घटनाहरु एकपछि अर्को गर्दै थप खतरनाक बन्दै गइरहेको उनीहरुको ठम्याइ रहेको छ । १७६ जना यात्रीहरुको सट्टा अटल बिहारी वाजपेयीको एनडीए सरकारले त्यतिखेर अजहरसहित तीन जना आतंकवादीहरुलाई छाडिदिएको थियो । 

 

के हो कंधार हाइज्याक मामिला ? 

२४ डिसेम्बर १९९९ मा नेपालबाट दिल्ली जाँदै गरेको इंडियन एयरलाइन्स एयरबस ए३०० अपहरण गरिएको थियो । अपहरणकर्ताले विमान अमृतसार, लाहोर र दुवई हुँदै कंघार, अफगान्सितान लगेका थिए । 

 

जहाजमा क्र्यु सदस्यसहित १८० जना रहेका थिए । अपहरणकर्ताले सुरुमा ३५ जना उग्रवादीहरुको रिहाइका साथै २०० मिलियन अमेरिकी डलर माग गरेका थिए । यो घटना सात दिनसम्म चलेको थियो । सन् १९९९ को डिसेम्बर ३१ मा अपहरणकर्ताले तीनजना कैदीको रिहाइको मागमा सहमत भएका थिए । अटल बिहारी बाजपेयी सरकारका विदेशमन्त्री जसवन्त सिंह आफैले तीन जना कुख्यात आतंकवादीहरु मौलाना मसुद अजहर, अहमद जरगर र शेख अहमद उमर सइदलाई लिएर कंघार गएका थिए । 

 

तीन जना आतंकवादीहरुको रिहाइ भएलगत्तै अपहरण भएको विमान पनि छोडिएको थियो । 

 

सन् १९९९ पछि जति पनि भारतमा आतंकवादी आक्रमण भए ती सबै ठुला आक्रमणमा अजहरको हात भएको बताइन्छ । जम्मु काश्मिरको इतिहासको यो सबैभन्दा ठुलो र डरलाग्दो आक्रमण हो । पुलवामा घटनाका मास्टरमाइण्ड नै मसुद अजहर रहेको मिडिया रिपोर्टमा उल्लेख भएको छ । जैश–इ–मोहमम्दका एक आतंकवादी आदिल अहमद डारले श्रीनगरमा डरलाग्दो घटना घटाएका थिए । उनले उक्त आतंकवादी आक्रमण गर्नु पुर्व नै एउटा भिडियो सार्वजनिक गरेका थिए ।

 

त्यस्तै चीनले पनि पाकिस्तानको पक्षमा बोल्दै भारतलाई झट्का दिएको छ । उसले जैश–इ–मोहमम्द का प्रमुख मुद अजहरलाई विश्व आतंकवादी सुचीमा राख्न भारतले गरेको अपिललाई समर्थन नगर्ने बताएको छ । भारत लामो समयदेखि अजहरलाई विश्व आतंकवादी सुचीमा राख्न चाहन्छ । 

 

चीन र पाकिस्तान दुवैले भारतमा भएको आतंकवादी आक्रमणको निन्दा गरेका छन् भने आफुहरुलाई उक्त घटनामा नमुछ्न समेत जबाफ दिएका छन् । चीनले प्रष्ट रुपमा नै आफ्नो भुमिकामाथि प्रश्न उठाउनुभन्दा पहिला प्रमाण देखाउन समेत चेतावनी दिएको छ । 

 

• Jammukashmir

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।