जनकपुरको महावीर चोकमा पैसा नियतवस फालेको नभई गल्तीले झरेको प्रहरीको भनाई

• आइतबार, ७ बैशाख, २०७७
• 9 months ago
• नेपाल

जनकपुरधाम । शुक्रबार दिउँसो दुई महिलाले जनकपुरधाम उप–महानगरपालिका ४ महावीर चोकमा १० रुपैयाँका नोटहरु फाल्दै हिँडेको जानकारी प्रहरीले पाएपछि उक्त महिलाहरुको खोजीमा प्रहरी लाग्यो । नोटमा थुक्दै पैसा फालेको बताएपछि कोरोना भाइरस सार्ने षड्यन्त्र त होइन भन्दै स्थानीयहरु त्रसित भएका थिए ।

 

सीसीटिभीको मद्दतबाट ती महिलाहरु शनिबार दिउँसो पक्राउ पनि परे । जनकपुरधाम उपमहानगरपालिका वडा नं. ७ जानकी नगरकी अलिना खातुन र उनकी नन्द अमुना खातुनलाई प्रहरीले नियन्त्रणमा लियो ।

 

 

 

तर, अनुसन्धानको क्रममा ती दुई जना महिलाले सडकमा पैसा नियतवस फालेको नभई गल्तीले झरेको प्रहरीले जनाएको छ । जिल्ला प्रहरी कार्यालय धनुषाका प्रहरी नायव उपरीक्षक रामेश्वर कार्कीले नियतवस नभई गल्तीले पैसा झरेको जानकारी दिए । नन्द भाउजु दुवै जना बैँकबाट पैसा निकालेर घर जाँदा बाटोमा झरेको अनुसन्धानबाट खुलेको हो। सिसिटीभी फुटेजमा समेत महिलाले जानीजानी पैसा नफालेको देखिएको उनले बताए ।

 

• नोट

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।