खडेरीका कारण समस्यामा परेका जनतालाई तत्काल राहत उपलब्ध गराउन खोटाङका सांसदको माग

• मंगलबार, १४ साउन, २०७६
• 3 years ago
• राजनीति

खोटाङ । यहाँका सांसदले लामो समयको खडेरीका कारण समस्यामा परेका जनतालाई तत्काल राहत उपलब्ध गराउन गृहमन्त्री रामबहादुर थापा समक्ष माग गरेका छन् । 

 

खोटाङ, भोजपुर, ओखलढुङ्गा, तेह्रथुम, पाँचथर र धनकुटाबाट विजयी सांसदले सोमबार गृहमन्त्री थापालाई भेटेर खडेरीबाट पीडितलाई राहत तथा दीर्घकालीन समस्या समाधान गर्न मन्त्रीसँग माग गरेको सांसद विशाल भट्टराईले बताए । “कोशी नदी किनारको बस्तीमा तीन वर्षदेखि खाद्यान्न समस्या छ”, उनले भने । तत्काल राहत र उक्त क्षेत्रलाई सुख्खाग्रस्त क्षेत्र घोषणा गर्न उनले माग गरिएको बताए । 

 

सिंहदरवारस्थित गृहमन्त्रालयमा पुगेर सांसदले मकैको बीउ, आवश्यक खाद्यान्न तथा नगद उपलब्ध गराउन गृहमन्त्री समक्ष माग गरेका थिए । मन्त्री थापाले तत्काल प्रधानमन्त्रीलाई जानकारी गराएर राहत उपलब्ध गराउन पहल गर्ने प्रतिबद्धता जनाएका थिए । दुई नगरपालिका र आठ गाउँपालिका रहेको जिल्लामा खडेरीका कारण खाद्यान्न समस्या भएको छ ।

• खोटाङ
• खडेरी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।