अपहरणकारीलाई दिन १० लाखको जोहो गर्दागर्दै बालककको हत्या

• सोमबार, २९ असोज, २०७५
• 3 years ago
• समाचार

बारा । बाराको सिम्रौनगढ नगरपालिका–३ मा पाँच वर्षीय बालकको अपहरणपछि हत्या भएको छ। असोज २४ गते गाउँबाटै अपहरणमा परेका स्थानीय धनेश्वर यादवका छोरा दीपकको चार दिनपछि शनिबार राती घरदेखि २ सय मिटर उत्तर झाडीमा शव फेला परेको छ । 

 

अपहरणको भोलीपन्ट अपहरणकारीले फोन गरेर १० लाख रुपैयाँ फिरौती मागेका बालकका काका गणेश साहले बताए। ‘अपहरणकारीले फोनमा दीपक मेरो जिम्मामा छ । भारतको मोतिहारीमा छ। १० लाख रुपैयाँ लिएर आउँ भनेको थियो,’ उनले भने। अपहरणकारीको माग अनुसार रकमको जोहो गर्दागर्दै बालकको हत्या भएको उनले बताए।

 

प्रहरीले अपहरण र हत्या आशंकामा स्थानीय हरेन्द्र कुशवाहा र श्यामकुमार बैठालाई पक्राउ गरेको छ। बालकका बुवा धनेश्वरले हरेन्द्रलाई दुई लाख रुपैयाँ सापटी नदिएको र घरमा विदेशबाट कमाएर ल्याएको रकम छ भन्ने थाहा भएका कारण बालकको अपहरण र हत्या भएको देखिन्छ,’ डिएसपी रञ्जितसिंह राठौरले भने। आजको कान्तिपुरबाट ।

• Murder

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।