किम जोङ–अनले किन पोप फ्रान्सिसलाई भेट्न चाहे ?

• रासस/एपी
• बुधबार, २४ असोज, २०७५
• 3 years ago
• अन्तर्राष्ट्रिय

सिओल । उत्तर कोरियाली नेता किम जोङ–अनले क्रिश्चियन धर्मगुरू पोप फ्रान्सिसलाई उत्तर कोरियामा स्वागत गर्न इच्छुक रहेको दक्षिण कोरियाले जनाएको छ ।

 

दक्षिण कोरियाको राष्ट्रपतिको कार्यालयले मङ्गलबार जारी गरेको विज्ञप्तिमा नेता किम र दक्षिण कोरियाली राष्ट्रपतिबीच भएको वार्ताका क्रममा उत्तर कोरियाली नेताले क्रिश्चियन धर्मगुरू पोपलाई उत्तर कोरियामा स्वागत गर्न आफु उत्सुक रहेको बताएको जनाइएको छ ।

 

किम केही महिना यता उत्तर कोरियाली आणविक हतियारलाई व्यवस्थापन, कोरियाली प्रायद्वीपको सैन्य तनाव र आर्थिक नाकाबन्दी बिषयमा कुटनीतिक छलफललाई जारी राख्दै आएका छन् ।

 

यसै शिलशिलामा केही महिना पहिले उनी चीनको भ्रमण गरी चिनियाँ नेताहरूसँग छलफल गरेका थिए । चीनले उत्तर कोरियाली राजनीति तथा आर्थिक गतिविधिमा उल्लेख्य चासो राख्ने गर्दछ । उत्तर कोरियाले देशको प्रमुख आम्दानीको स्रोत कोइलालाई चीन तथा रूस आपूर्ति गर्ने गर्दछ । यद्यपि पछिल्लो समय यो क्रम राष्ट्रसङ्घको नाकावन्दीका कारण रोकिएको छ ।

 

उत्तर कोरियामा औपचारिक रूपमा कुनै धर्मको पक्षमा छैन । एक कम्युनिष्ट राष्ट्र भएकाले उसले कुनै पनि धर्मसम्बन्धि गतिविधि उसको आकर्षणका विषय होइनन् । अर्थात् धार्मिक गतिविधिमाथि कडा नियन्त्रण छ ।

 

हुनत यसपहिले सन् २००० मा भएको अन्तरकोरियाली शिखर सम्मेलनका क्रममा पनि किमका पिताले सोही प्रकारको निमन्त्रणा तत्कालिन पोप जोन पाउल द्वित्तीयलाई दिएका खबर सञ्चारमाध्यमले लेखेका थिए । तर त्यतिबेलाका पोप र तत्कालिन नेताबीच कुनै भेटवार्ता भएको थिएन ।

 

उत्तर कोरियाले क्याथोलिक धर्मगुरूलाई स्वीकार गरेको अवस्थामा मात्र पोपको भ्रमण हुनसक्ने भेटिकन अधिकारीले जनाएका छन् । 

• Kim

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।