केएल राहुल–आथियाको विवाह आज

• सोमबार, ९ माघ, २०७९
• 2 months ago
• कला र मनोरञ्जन

एजेन्सी । बलिउड अभिनेत्री आथिया शेट्टीले क्रिकेटर केएल राहुलसँग आज अर्थात २३ जनवरीमा विवाह गर्दैछिन् । दुवै विगत ३ वर्षदेखि एकअर्कालाई डेट गर्दै आएका छन् र केही महिनादेखि डेटिङ र छुट्टीका कारण चर्चामा छन् । 

 

विवाह समारोह खण्डालामा हुने भएको छ, जसमा बलिउड र भारतका ठूला व्यक्तित्वहरुको सहभागिता रहनेछ । विवाहअघि दुवै विगत तीन वर्षदेखि एकअर्कासँग सम्बन्धमा थिए । दुबैले आफ्नो सम्बन्धलाई गोप्य राख्न सक्दो प्रयास गरे तर उनीहरुको निकटता कसैबाट लुक्न सकेन । 

 

एउटै लोकेशनबाट दुबैको तस्बिर बाहिरिन थाल्यो, दुबै छुट्टी मनाउन सँगै देखिन थाले । यसअघि उनीहरुको प्रेम सम्बन्धको हल्ला मात्रै आएको थियो तर जब केएल राहुलले बीसीसीआईको दस्तावेजमा पार्टनरको सट्टा आथिया शेट्टीको नाम लेखेपछि उनीहरुको सम्बन्ध पुष्टि भएको थियो । 

 

केएल राहुल र आथिया शेट्टीको पहिलो भेट एक साझा साथी मार्फत भएको थियो । कुराकानी सुरु भयो र दुबै साथी बने । सँगै समय बिताउने क्रममा दुवै एकअर्काको प्रेममा परे र दुवैले गोप्य सम्बन्धमा प्रवेश गरे । 

 

दुबै सधैं चर्चामा रहन्छन् तर यसका बाबजुद पनि दुबैले आफ्नो सम्बन्धलाई गोप्य राख्न सक्दो प्रयास गरेका थिए । रिलेसनसिपमा रहे पनि करिब डेढ वर्षसम्म दुबै एकअर्कासँग कहिल्यै देखिएनन्, न त उनीहरुले सँगै तस्बिर पोष्ट गरेका थिए ।

 

यद्यपि, क्रिकेटर र अभिनेत्रीको यो पहिलो जोडी भने होइन । क्रिकेट र बलिउडबिचको सम्बन्ध सन् १९६८ को हो जब त्यसबेलाकी शीर्ष अभिनेत्री शर्मिला टैगोरले टीम इन्डिया क्रिकेट टिमका कप्तान मन्सूर अली खान पटौदीसँग विवाह गरेकी थिइन् । दुई फरक ठूला क्षेत्रको शर्मिला–मन्सुरको जोडीलाई मन पराइयो र सफल पनि भयो । 

 

यसपछि रीना राई, संगीता बिजलानी, गीता बसरा, अनुष्का शर्माजस्ता धेरै अभिनेत्रीहरुले क्रिकेटरहरुसँग घर बसाए । यस्तै, अमृता सिंह, सुस्मिता सेन, दीपिका पादुकोण जस्ता धेरै अभिनेत्रीहरु थिए जसको क्रिकेटरहरुसँग प्रेम सम्बन्ध थियो तर उनीहरुको सम्बन्ध विवाहसम्म पुग्न सकेन । अर्कोतर्फ सारा अली खान, उर्वशी रौतेलाजस्ता नायिकाको नाम पनि भारतीय क्रिकेट टोलीसँग जोडिने क्रम जारी छ । 

• केएल राहुल
• आथिया शेट्टी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।