आफ्नै कारण नराम्ररी पछारिएका ओली

Norvic Hospital

काठमाडौँ । सर्वोच्च अदालतको फैसलासँगै अन्ततः केपी शर्मा ओली सत्ताच्युत हुने भएका छन् । २०७४ साल फागुन ३ गते झण्डै दुई तिहाइ बहुमतको प्रधानमन्त्री बनेका ओली दयनिय अवस्थामा २०७८ असार २९ गते बालुवाटार छोड्न बाध्य हुने भएका हुन् ।

 

जनताले रुचाएको वाम गठबन्धनको नेतृत्व ओलीले गर्दा नागरिकले मुलुकमा शान्ति र समृद्धि आउने विश्वास गरेका थिए । तर, त्यसविपरित ओलीले जनताको आशा भरोसालाई तोडिदिए । नत उनले सही निर्णय गर्न सकेन न त आफ्नै पार्टीका नेताहरुको कुरा सुने बरु ओली उदण्डरुपमा प्रस्तुत भइरहे । उनकै कारण आफ्नै पार्टीभित्रका नेता तथा सांसदहरु विपक्षी भएर प्रस्तुत हुन बाध्य भए । तै पनि उनले तिखो र छुद्र बोलीलाई जारी राख्दै आफै ठिक भन्दै अघि बढिरहे । यतिको लामो कार्यकालमा मुलुक न त समृद्धिको दिशामा अघि बढ्यो न त राजनीतिक स्थिरता नै कायम भयो ।

 

ओली सत्तामा पुगेलगत्तै उनीविरुद्ध कोही पनि खनिएका थिएनन् । शुरुका साढे २ वर्षसम्म ओलीले कुनै बाधा अवरोधबिना एकछत्र शासन चलाइरहे । प्रमुख प्रतिपक्ष दल नेपाली कांग्रेसले पनि उनलाई साथ दिएकै हो । तर, पार्टी एकीकरण भएर नेकपा बनिसकेपछि पनि ओलीले कसैलाई टेरेनन् । देश विकासको गतिमा अघि बढ्नुको साटो अरुको सत्तोसराप गर्ने र आफू निकटकाहरुलाई काखी च्याप्दै जाँदा उनीमाथि आलोचना शुरु भएको थियो । न उनले पार्टीको बैठक राखे न त आफैले राखेका बैठकमा नै उपस्थित भएका थिए । प्रधानमन्त्रीको सरकारी निवासमा तत्कालिन नेकपाको बैठक बस्दा ओली अन्यत्र कोठामा गएर पनि बसे । पार्टीभित्रबाट नै आएको तीव्र दवावलाई उनले वास्ता गरेनन् । नत त्यसबाट उनले पाठ नै सिके ।

 

बरु ओलीले आफुलाई काम गर्न नदिइएको भनेर ‘प्रचारवाजी’ गर्न थाले । एकलौटी निर्णय गर्दै पटक–पटक विवादमा पर्दै गए । पार्टीभित्र कुनै पनि निर्णय गर्नुअघि सल्लाह नै गरेनन्, नियुक्ती गर्दा आफ्नै गुटकाहरुलाई मात्रै समेटे । त्यसपछि नेकपाको बहुमत सांसद तथा नेताहरु ओलीविरुद्ध सार्वजनिक रुपमा नै खनिन थाले ।  प्रधानमन्त्री तथा पार्टी अध्यक्ष पदबाट हट्नुपर्नेसम्मको माग उठ्न थालेपछि बरु ओलीले ‘आफूलाई हटाउने हो भने बस्ने कुर्सी नै भाँचिदिने’ सम्मको धम्की आफूविरुद्ध खनिएका नेताहरुलाई दिए ।

 

ओलीले पार्टी विभाजनको अध्यादेश ल्याए, संवैधानिक परिषदको बैठक आफू अनूकूल चलाए, आफू निकटकालाई नियुक्ती दिए, संसद बैठक समयमा डाकेनन्, त्यसपछि २०७७ पुस ५ गते पहिलो पटक राष्ट्रपति विद्यादेवी भण्डारीसँग मिलेर प्रतिनिधिसभा विघटन गर्दै २०७८ वैशाखमा निर्वाचन गर्ने घोषणा गरेका थिए । त्यसपछि ओलीले पार्टीभित्र तथा बाहिरबाट ठूलो विरोधको सामना गर्नुपर्यो । तै पनि उनी आफ्नो बाटोमा हिँडिरहे ।

 

 

पहिलो पटक निर्वाचित प्रतिनिधिसभा विघटन गरेपछि ओलीको ओरालो यात्रा सुरु भएको थियो । तर, उनले आफूले लोकप्रिय काम गरेको भन्दै आफैले घोषणा गरेको निर्वाचनमा दुई तिहाइ मत ल्याउने दावी जारी राखे । आफूले जे गरेपनि सही, अरुले सही प्रश्न उठाए पनि गलत भन्ने तरिकाले अघि बढिरहँदा उनमा निरंकुश चरित्र देखिन थालेको थियो । किनकी उनले आफूविरुद्ध आउने जायज आलोचनालाई पनि सुन्नै छाडे ।

 

तर, सर्वोच्च अदालतले २०७८ फागुन ११ गते ओलीको प्रतिनिधिसभा विघटन गर्ने निर्णय उल्टाइदिएको थियो । त्यसपछि ओली सच्चिने धेरैको अनुमान थियो । तै पनि उनको स्वेच्छाचारितामा लगाम लागेन । त्यसमा राष्ट्रपति विद्यादेवी भण्डारीले साथ दिइरहिन् । सत्ताका लागि प्रधानमन्त्री ओलीले तत्कालीन नेकपालाई क्षतविक्षत बनाए । विपक्षी दललाई पनि सरकार बनाउन दिएनन् । अर्कै पार्टीका सांसदहरुलाई भक्तपुरमा लगेर पनि राख्ने काम भयो । संवैधानिक अंग र राजनीतिक निकायलाई नियन्त्रणमा राख्ने प्रयास समेत गरे । अख्तियारदेखि निर्वाचन आयोगसम्मका निकायलाई आफू अनुकुल चलाए ।

 

सरकारका हरेक निर्णय सर्वोच्चले उल्टाउँदा पनि प्रधानमन्त्रीको स्वेच्छाचारिता रोकिएन । कामचलाउ भएपछि पनि बारम्बार मन्त्रिपरिषद विस्तार गरे, पार्टी नेताहरुलाई कारबाही गरे, विभिन्न विवादास्पद निर्णयहरु गरे, अध्यादेश जारी गरे, तर, ति सबै निर्णयलाई सर्वोच्च अदालतले रोकिदिएको छ । 

 

ओलीले झण्डै दुई तिहाई मत पाएका ओलीले संसदमा आफ्नो पक्षमा ९३ मतमात्रै जुटाए । तै पनि उनले आफ्नो दंभलाई जारी राखे । उनले आफू ओरालो लागेको त्यो बेला पनि थाहा पाएनन् । संसदमा विश्वासको मत समेत नलिइ अर्को सरकार बनाउन राष्ट्रपतिलाई सिफारिस गरे । आफूसँग बहुमत नरहेको भनेर सार्वजनिक रुपमा स्वीकार गरेपछि पनि उनले छलछाम गरेर पुनः प्रधानमन्त्रीमा दाबी पेश गरे । विपक्षी दलले बहुमत पुर्‍याउने देखिएपछि उनले पुनः अर्को प्रपञ्च रचे । कांग्रेस सभापति शेरबहादुर देउवाले एमालेकै सांसदको हस्ताक्षर लिएर राष्ट्रपति समक्ष संविधानको धार ७६ (५) अनुसार प्रधानमन्त्रीमा दावी गर्न लागेका थाहा पाएपछि ओलीले त्यसभन्दा अघि नै प्रधानमन्त्रीमा दावी गरे । त्यसमा ओली कमजोर देखिएका थिए ।

 

सत्तामा रहिरहनको लागि ओलीले जेठ ७ गते शुक्रबार मध्यरातमा बसेको मन्त्रिपरिषद्को बैठक डाकेर कार्तिक २६ र मंसिर ३ मा चुनाव गर्ने मिति तोक्दै प्रतिनिधिसभा विघटनको सिफारिस राष्ट्रपति विद्यादेवी भण्डारीसमक्ष गरेको थियो ।

 

राष्ट्रपति विद्यादेवी भण्डारीले संविधानको धारा ७६ (५०) अनुसार सरकार गठनका लागि प्रधानमन्त्री केपी शर्मा ओली र नेपाली काँग्रेसका सभापति शेरबहादुर देउवाले गरेको दाबी पूर्ण नभएको भन्दै खारेज गरेपछि बसेको मन्त्रिपरिषद् बैठकले प्रतिनिधिसभा विघटन गरी निर्वाचनको घोषणा गर्ने निर्णय गरेको थियो । 

 

प्रतिनिधिसभा विघटन भएपछि सो विघटन बदर गरी नेपाली कांग्रेसका सभापति शेरबहादुर देउवालाई संविधानको धारा ७६ ९५० अनुसार प्रधानमन्त्रीमा नियुक्त गर्न सर्वोच्च अदालतमा जेठ १० गते रिट परेको थियो । रिटमा कांग्रेस सभापति देउवा, नेकपा माओवादी केन्द्रका अध्यक्ष पुष्पकमल दाहाल ९प्रचण्ड०, नेकपा एमालेका वरिष्ठ नेता माधवकुमार नेपाल, जनता समाजवादी पार्टीका अध्यक्ष उपेन्द्र यादव र राष्ट्रिय जनमोर्चाकी उपाध्यक्ष दुर्गा पौडेलसहित १ सय ४६ जना निवेदकले हस्ताक्षर गरेका थिए । रिटमा कांग्रेसका ६१, माओवादीका ४९, एमालेका २३, जसपाका १२ र राष्ट्रिय जनमोर्चाका १ जना विघटित प्रतिनिधिसभाका सदस्यको हस्ताक्षर रहेको थियो ।

 

रिटमा संवैधानिक इजलासमार्फत निर्वाचनको घोषणा बदर गर्न अन्तरिम आदेश मागिएको थियो । त्यस्तै, ने देउवालाई प्रधानमन्त्री नियुक्त गर्न परमादेश माग गरिएको थियो । रिटको सुनुवाइको लागि प्रधानन्यायाधीश चोलेन्द्रशमशेर जबराको नेतृत्वमा संवैधानिक इजलास गठन भएको थियो । जबरासँगै न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डाक्टर आनन्दमोहन भट्टराईले रिटमाथिको सुनुवाई गरेको थियो । सर्वोच्चले प्रतिनिधिसभा पुर्नस्थापना गर्दै मंगलबार साँझ ५ बजेभित्र देउवालाई नियुक्त गर्न परमादेश जारी गरेपछि भने ओली नराम्ररी पछारिएका छन् ।

 


Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

अबुधाबीको इन्धन ट्याङ्की विष्फोटमा तीन जनाको मृत्यु, छ घाइते

  • 32 seconds ago
अबुधाबीको इन्धन ट्याङ्की विष्फोटमा तीन जनाको मृत्यु, छ घाइते

एजेन्सी । अबुधाबीको प्रमुख तेल भण्डारण सुविधा नजिकैको पेट्रोल ट्याङ्कीमा भएको संदिग्ध ड्रोन आक्रमणमा तीन जनाको मृत्यु हुनुका साथै छ जना घाइते भएको राज्य मिडियाले सोमबार जनाएको छ ।

भारतमा थप २ लाख २२ हजार बढीमा कोरोना संक्रमण

  • 4 minutes ago
भारतमा थप २ लाख २२ हजार बढीमा कोरोना संक्रमण

एजेन्सी । भारतमा पछिल्लो २४ घण्टामा थप २ लाख २२ हजार ५७९ जनामा कोरोना भाइरसको संक्रमण पुष्टि भएको छ ।

लेवान्डोस्कीले जिते 'फिफा द बेस्ट' अवार्ड

  • 10 minutes ago
लेवान्डोस्कीले जिते 'फिफा द बेस्ट' अवार्ड

एजेन्सी । बायर्न म्युनिख तथा पोल्याण्डका फरवार्ड रोबर्ट लेवान्डोस्कीले 'फिफा द बेस्ट' अवार्ड जितेका छन् । उनले पिएसजी स्टार लियोनल मेसी र लिभरपुल स्टार मोहम्मद सलाहलाई पछि पार्दै उक्त अवार्ड हात पारेक



पर्यटन

हिउँमा चखेवाका जोडी

हिउँमा चखेवाका जोडी

मनाङ । मनाङको ङिस्याङ गाउँपालिकाको ढुकुरपोखरीमा परेको सेताम्मे हिउँमा रमाइरहेका चखेवा, (राजहाँस) का एक जोडी । तस्बिरः नवीन लामिछाने÷रासस

जीवनशैली

बोक्रामा कालो दाग भएको केरा खानुभएको छ ? थाहा छ के हुन्छ यसको असर ?

बोक्रामा कालो दाग भएको केरा खानुभएको छ ?  थाहा छ के हुन्छ यसको असर ?

एजेन्सी । केरा सर्वसुलभ पाइने फलफूलमध्ये एक हो । साथै फाइबर, पोटासियम, भिटामिन बी–६ र भिटामिन सी जस्ता स्वास्थ्यलाई फाइदाजनक भिटामिनहरु पाइन्छ ।

विचित्र विश्व

एक्स बोइफ्रेन्डलाई फसाउन एक युवतीले ३० ‘फेक’ इन्स्टाग्राम अकाउन्ट बनाइन्, तर पछि...

एक्स बोइफ्रेन्डलाई फसाउन एक युवतीले ३० ‘फेक’ इन्स्टाग्राम अकाउन्ट बनाइन्, तर पछि...

ती युवतीले मायाको बदला लिनका लागि सामाजिक सञ्जालको सहारा लिएकी छन् । उनले आफ्नो पूर्वप्रेमीको नामबाट एकमात्र नभई ३० ‘फेक’ इन्स्टाग्राम अकाउन्ट बनाई उनको अकाउन्टबाट आफूलाई नै धम्कीपूर्ण म्यासेज पठाइन् । यतिमात्र नभई पूर्वप्रेमीले आफूलाई मार्ने धम्की दिएको समेत आरोप लगाइन् ।