भाग्य बलियो भएपछि...

• सोमबार, ३० आषाढ, २०७६
• 2 years ago
• विचित्र विश्व

१०. फ्रेन सेलक

क्रोयसियाका संगित शिक्षक फ्रेन सेलकले मृत्युलाई ७पटक जित्न सफल भए । सबैभन्दा पहिले उनी रेल दुर्घटनामा बाँचे । त्यसपछि विमान दुर्घटनामा, बसले ठक्कर दिँदा र उनी चढेको बस पुलबाट खस्दा समेत बाँचे र पछी दुईवटा कार दुर्घटनामा समेत बाँचे । यतिमात्र होइन उनले सन् २००२ मा क्रोयसियन चिठ्ठामा एकलाख डलर समेत जिते ।

 

९. निचिरेन

निचिरेन एक १२ औं शताब्दीका भिक्षु थिए जसलाई मृत्युदण्ड को सजाँय सुनाइएको थियो तर मृत्युदण्ड दिने बेलामा चट्याङ पर्यो । उनको शिर छेदन गर्न तरबार उचालेको व्यक्ती नै चट्याङले मर्यो । त्यसपछि उनलाई स्वतन्त्र छाडियो ।

 

८. फिडेल क्यास्ट्रो

क्युवाको काउन्टर इन्टिेलिजेन्स एजेन्सिको अनुसार फिडेल क्यास्ट्रोको ६ सय ३० पटक हत्या प्रयास भयो तर पनि उनी सधैं मृत्युको मुखबाट बाँच्न सफल भए । उनलाई अमेरिकी गुप्तचर सस्थां सिआइएले उनले पिउने सिगारमा विष्फोटक पदार्थ समेत हालेर मार्न खोज्यो तर सकेन ।

 

 ७.  इडुवार्डो लेइटी 

ब्राजिलका निर्माण कामदार इडुवार्डो लेइटीको टाउकोमा १.८ मिटर फलामको रड छिरेर पस्यो र उनको खप्पर छेडेर आँखाको बिचबाट निस्कियो । तर पनि उनी बाच्ँन सफल भए अचम्म त अझै यो छ कि उनलाई त्यती हुँदा पनि कत्ति पनि दुखाईको महशुस भएन ।

 

६. रोबर्ट ह्यामिल्टन

इन्डियानाका रोबर्ट ह्यामिल्टनले दशलाख डलरको चिठ्ठा एकपटक होइन दुईपटक जिते । जबकी उनको चिठ्ठाको पुरस्कार जित्ने सम्भावना २० लाखमा पटकमा एकपटक थियो । उनी सधैं एकै नम्बरको चिठ्ठा किन्ने गर्छन् ।

 

५. ताइवानमा गत वर्ष ठूलो पानि पर्यो र पहिरो आयो । एक जना भाग्यमानी मोटर चालक पहाडबाट खसेको ठूलो चट्टानले किचिनबाट अलिकतिले जोगिन सफल भए । उनको यो दृष्य पछाडीको अर्को कारको ड्यासबोर्ड क्यामेराले खिचेको थियो र पछि इन्टरनेटमा यो दृश्य भाइरल भयो ।

 

४. अमेरिकी राष्ट्रपति एन्ड्रयु ज्याकसनको हत्या गर्न सन् १८३५ मा रिचार्ड लरेन्सले गोली प्रहार गरे तर त्यो मिसफायर भयो । तर उनी अर्को पेस्तोल समेत लिएर आएका थिए र त्यसबाट गोली प्रहार गर्दा मिस फायर भयो । त्यसपछि ज्याकसनले आफ्नो लठ्ठिले लरेन्सलाई हिर्काए र नियन्त्रणमा लिए । घटना पछि दुबै पेस्तोलको परिक्षण गर्दा दुबैबाट ठिक फायर गरेका थिए ।

 

३ बिल मोर्गन

बिल मोर्गन एउटा भयानक टक दुर्घटनाबाट बाँचेका थिए । उनी १४ मिनेटसम्म मृत भएका थिए । १२ दिन कोमामा गएर बाँचेका उनी ठिक भएपछि त्यसको खुशीयालीमा एउटा स्क्रयाच कार्ड किने जसबाट उनले २७ हजार डलरको एउटा कार जिते । त्यो थाहा पाएपछि उनलाई स्थानिय समाचार सस्थाले त्यो जितको क्षणलाई फेरि कैद गर्न अभिनय गर्न लगायो तर यो पटक झनै उनले दुईलाख पचास हजार डलर जिते ।

 

२. सुतोमु यामागुची 

एक आणविक आक्रमणबाट बाँच्नु नै आश्चर्यको कुरा हो भने दुईवटा आणविक आक्रमणबाट बाँच्नुलाई के भन्ने? जापानको नागासाकीका सुमोतु यामागुची हिरोसिमामा आक्रमण हुदा आफ्नो कामको सिलसिलामा हिरोसिमा गएका थिए तर उनी त्यसमा बाच्ँन सफल भए त्यसपछि उनी नागासाकी फर्किए तर नौ दिन पछि त्यहा पनि आक्रमण भयो तर त्यो आक्रमणमा पनि उनी बाँँच्न सफल भए । 

 

१. जोअन जिन्थर

जोन जिन्थर यस्ता व्यक्ती हुन जसले मल्टिमिलियन डलरको ज्याकपट चिठ्ठा चारपटक सम्म जितिन । तथ्याङ्कका अनुसार यो असम्भव जस्तै छ , तर उनले पहिलो पटक ५ दशमलब ४ मिलियन डलर जितिन त्यसको एक दशक पछि दुई मिलियन र त्यसको दुई वर्ष पछि ३ मिलियन र अन्तिममा सन् २००८ मा १० मिलियन डलर जितिन् ।

 

• Luck

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।