दुधमा यी कुराहरु मिसाई खाँदा यस्ता फाइदाहरु मिल्ने

• सोमबार, २७ पुष, २०७७
• 2 weeks ago
• जीवनशैली

काठमाडौं । स्वास्थ्यका लागि दुध लाभकारी छ । दुधमा प्रसस्त मात्रामा प्रोटिन पाइन्छ । सादा दुधलेनै शरीरलाई कतिपय रोगबाट टाढा राख्छ, भने यसमा यी खानेकुरा मिलाएर खाइयो भने झन राम्रो हुन्छ ।

 

– सुकुमेल

दुधमा सुकुमेल मिसाएर खाँदा स्मरणशक्ति बढ्छ । त्यसका लागि हरेक दिन एक गिलास मनतातो दुधमा एक चिम्टी सुकुमेलको धुलो मिसाएर खानुपर्छ । पढ्ने बच्चालाई सुकुमेल मिसाएको दुध दिँदा राम्रो हुन्छ ।

 

 – मरिच

घाँटीको समस्या भएकाले एक गिलास मनतातो दुधमा एक चिम्टी मरिचको धुलो मिसाएर खानुपर्छ । मरिचले वजन कम गर्न पनि मद्दत गर्छ । 

 

 – खजुर

कमजोरी महसुस भइरहेको छ भने दुधमा खजुर हालेर खानुपर्छ । खजुरमा हुने खनिज पदार्थ, भिटामिन्सले शरीरलाई तागत दिन्छन् । दुध उमाल्दा त्यसमा खजुर हाल्ने र दुधसँग खाने ।

 

– बदाम

कब्जियतको समस्या भएकाले राति सुत्नुअघि एक गिलास मनतातो दुधमा बदामको तेल हालेर खानुपर्छ । यसो गर्दा कब्जियतको समस्या हट्छ । शरीरमा उर्जाको कमी हुँदा बदामको पेस्ट बनाएर एक चम्चा दुधमा मिसाएर खानुपर्छ ।

 

– मह

व्यस्त दिनचार्यका कारण धेरै मानिस (विशेषगरी महिला) धेरै तनावमा हुन्छन् । अफिस सँगसँगै घरपरिवारको जिम्मेवारी उनीहरुमाथि हुन्छ । त्यसैले तनाव हटाउन महिलाले एक गिलास मनतातो दुधमा एक चम्चा मह मिसाएर खानुपर्छ । यसो गर्दा तनाव कम हुन्छ । 

• दुध

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।