नर्सिङ कलेज सम्बन्धनमा शिक्षामन्त्रीको चलखेल
- बिहीबार, २१ आषाढ, २०७५
- 4 years ago
- समाचार
काठमाडौं । शिक्षा विज्ञान तथा प्रविधिमन्त्री गिरिराजमणि पोखरेलले मापदण्डविपरीत नर्सिङ कलेजलाई सम्बन्धन दिन चलखेल शुरु गर्नुभएको छ । आफ्ना सहयोगी सुदर्शन पराजुलीमार्फत व्यावसायिक शिक्षा तथा तालिम परिषद (सीटीईभीटी) का पदाधिकारीलाई २०६९ सालदेखि रोकिएका संस्थालार्ई तत्काल सम्बन्धन दिन दबाब दिनुभएको हो ।
मन्त्री पोखरेलले २० नर्सिङ, २ सामान्य चिकित्सा, १ ल्याब टेक्निसियन, १ रेडियोग्राफी र १ फार्मेसी गरी २५ संस्थालाई सम्बन्धन दिन चलखेल गर्नुभएको हो । सीटीईभीटीका अध्यक्षसमेत रहनुभएका मन्त्री पोखरेलले सीटीईभीटीको अन्य विषयमा बैठक नै बोलाउन चाहनुभएको छैन । परिषदमा नौ सदस्य हुनेछन् । प्रदेश तहमा संरचना बनाउने गम्भीर विषयमा समेत छलफल गर्न नचाहने मन्त्रीले सम्बन्धनको विषयमा प्रस्ताव ल्याएपछि मात्रै बैठक बोलाउने तयारी गर्नुभएको छ ।
मन्त्री पोखरेलले चिकित्सा शिक्षा अध्यादेश निस्कृय भए लगत्तै सम्बन्धन दिने तयारीमा लाग्नुभएको उच्च स्रोतले जनाएको छ । सो अध्यादेश हिजो बुधबारबाट निस्क्रिय भएको छ ।
सरकारले करिब एक साता अघि प्रतिस्थापन अध्यादेशमार्फत उपत्यकालगायतमा केही जिल्ला मेडिकल कलेज र सीटीईभीटीका संस्थालाई स्वीकृत दिने तयारी गरेको थियो । तर नेपाली कांग्रेसले प्रतिस्थापन अध्यादेश पेस गरे संसद् नचल्न नदिने चेतावनी दिएपछि अध्यादेश आउन सकेन ।
‘अहिले अध्यादेश आउन नसकेको मौका छोपेर आर्थिक प्रलोभनमा नर्सिङ संस्थालाई सम्बन्धन दिन कसरत शुरु भएको छ’ –स्रोतले भन्यो । चिकित्सा शिक्षा अध्यादेशमा चिकित्साशास्त्रका सम्पूर्ण विषय अध्ययन गराउन आयोगको सिफारिस आवश्यक पर्ने उल्लेख थियो ।
मन्त्री पोखरेलले जसरी भए पनि सम्बन्धन दिन परिषद्का सदस्यलाई दबाब दिन थाल्नुभएको छ । यसअघि सम्बन्धन दिन लागेको चाल पाएपछि विद्यार्थी संगठनले सीटीईभीटीमा तालाबन्दी गरेका थिए ।
अस्पताल नै नभएका, मापदण्ड नपुगेका, पूर्वाधार नभएका नर्सिङ संस्थालाई सम्बन्धन दिन नहुने जनाउँदै करिब एक महिनाअघि तालाबन्दी गरेका विद्यार्थी संगठनले सीटीईभीटीसँग सम्बन्धन नदिने सहमति भएपछि ताला खोलिएको थियो । तर अहिले मन्त्रीले आफ्ना सहयोगी पराजुलीमार्फत सम्बन्धनका सम्पूर्ण चलखेल गर्न थाल्नुभएको छ ।
स्वास्थ्य मन्त्रालयअन्तर्गत नर्सिङ विभागले काठमाडौ र भरतपुरमा तत्काल नर्सिङका लागि सम्बन्धन दिन नहुने रिपोर्ट बुझाइसकेको छ । शिक्षा मन्त्रालयले तत्कालीन शिक्षामन्त्री डीआर पौडेलको कार्यकालमा तयार गरेको नर्सिङ नीतिमा भूगोल, जनसंख्या र आवश्यकता अध्ययन गरेर मात्रै सम्बन्धन दिनुपर्ने उल्लेख गरेको थियो । मन्त्रालयका सहसचिव डा। हरि लम्साल संयोजकत्वमा नीति निर्धारण समिति बनेको थियो । सो समितिले मन्त्रालयलाई प्रतिवेदन बुझाइसकेको छ ।
हाल उपत्यकालगायत शहरी क्षेत्रमा नर्सिङ संस्थाको आवश्यकता छैन । सरकारको गलत नीतिको विषयमा सचेत गराउन आमरण अनशन बसिरहनुभएका डा। गोविन्द केसीले मनपरी रुपमा नर्सिङ र मेडिकल कलेज सञ्चालन गर्न रोक लगाउनुपर्ने बताउँदै आउनुभएको छ ।
सम्वृद्ध नेपालको परिकल्पना गर्ने सरकारले मापदण्ड नपुगेका नर्सिङ संस्थालाई सम्बन्धन दिन दबाब दिनु उचित नभएको मन्त्रालयकै अधिकारीको आरोप छ । हाल सीटीईभीटी अन्तर्गत १ सय ११, प्रतिष्ठान अन्तर्गत पाटन, वीर र बीपी कोइराला र त्रिवि अन्तर्गत विराटनगर, वीरगन्ज, पोखरा र नेपालगन्जमा नर्सिङ विषय अध्ययन हुने गरेको छ ।
तर मन्त्री पोखरेलले आफ्नै मन्त्रालयको नीति र नर्सिङ विभागको प्रतिवेदनको बेवास्ता गर्दै २४ संस्थालाई सम्बन्धन दिने अन्तिम तयारी गरिरहनुभएको थियो । ‘प्रवीणता प्रमाणपत्र तह सकेर एक वर्ष काम नगरी नर्सिङ स्नातक तह ९बीएन० अध्ययन गर्न पाइँदैन, दिनप्रतिदिन नर्सिङ बेरोजगार बढ्दै गएको छ, यस्तो अवस्थामा मनपरी रुपमा नर्सिङ पढाउने संस्थालाई सम्बन्धन दिनु गलत देखिन्छ’ –सीटीईभीटीका अधिकारीले भने ।
मन्त्रीको दबाबमा सम्बन्धन दिने तयारी भएको नर्सिङ संस्थाहरुमा सुभेच्छा इन्टरनेसनल अस्पताल एन्ड रिसर्च सेन्टर, चितवन मेडिकल कलेज, विजय एकेडेमी फर हेल्थ साइन्स, क्यालिभर नर्सिङ क्याम्पस, ओम साइ नर्सिङ, वेस्टर्न हेल्थ साइन्स एकेडेमी, कालीगण्डकी हेल्थ फाउन्डेसन, लाइफ गार्ड अस्पताल, भरतपुर सामुदायिक अस्पताल, मिर्चैया हेल्थ नर्सिङ क्याम्पस, एसियन फाउन्डेसन अफ एजुकेसन एन्ड रिसर्च कलेज, काभ्रे हेल्थ ट्रेडिङ इन्टिच्युट, मितेरी ९समिट० टेक्निकल कलेज, शान्ति अस्पताल रहेका छन् । आजको नेपाल समाचारपत्रबाट ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
घुम्टे युवा परिवारले होली पूर्णिमा मेलाको आम्दानी–खर्च सार्वजनिक गर्यो
- 9 minutes ago
बागलुङ। ‘खेलकुद कला संस्कृति हाम्रो शान, पर्यटकीय स्थल घुम्टे गलकोटको पहिचान’ भन्ने मुल नारका साथ संस्थाले गत फागुन १९ गतेदेखि २२ गतेसम्म विविध खेलकुद, सांस्कृतिक, विभिन्न विधामा अभिनन्दन कार्यक
चलचित्रकर्मी कल्याणकारी कोषद्वारा स्व. बीएस राणाकी पत्नी र छोरीको उपचार सहयोगार्थ सहयोग
- 12 minutes ago
काठमाडौँ। स्वर्गीय अभिनेता बीएस राणाकी पत्नी र छोरीको उपचार सहयोगार्थ चलचित्रकर्मी कल्याणकारी कोषबाट रु। एक लाख सहयोग गरिएको छ। चलचित्र विकास बोर्ड अन्तर्गत रहेको कोषले बुधबार हाल उनीहरु रहेको ललितपुर
लुम्बिनीमा माओवादीले समर्थन फिर्ता लिँदै, संसदीय दलको बैठक आह्वान
- 30 minutes ago
लुम्बिनी प्रदेश सरकारको मुख्य साझेदार दल नेकपा (माओवादी केन्द्र)ले एमाले नेतृत्वको सरकारलाई दिएको समर्थन फिर्ता लिने तयारी गरेको छ । उक्त विषयमा निर्णय लिन आज संसदीय दलको बैठक आह्वान गरिएको छ । आज दिउ
पर्यटन
प्यासिफिक एसिया ट्राभलको शिखर सम्मेलन पोखरामा हुँदै
कास्की । देशकै प्रमुख पर्यटकीय सहर पोखरामा पहिलोपटक प्यासिफिक एसिया ट्राभल एसोसिएसन (पाटा)को वार्षिक शिखर सम्मेलन हुने भएको छ ।
जीवनशैली
काजु खानुका यस्ता छन् फाइदाहरु
बजारमा महँगो मूल्यमा बिक्री हुने काजुका फाइदा पनि बढी धेरै नै छन् । धेरै फाइदा भएकै कारण धेरै पैसा हालेर काजु किन्नु परेको हो ।
विचित्र विश्व
महाठग चन्द्रशेखरले भनेः गरिब कैदीलाई करोडौँ रकम प्रदान गर्ने चाहन्छु
एजेन्सी । आफैँ कैदमा रहेका एक बन्दीले कारागारमा रहेका कैदीबन्दी तथा उनीहरूका परिवारका लागि रु पाँच करोड ११ लाख प्रदान गर्ने चाहना व्यक्त गरेका छन् ।
