जनमतमाथि नेकपाको बलत्कार !

• राजेन्द्र अर्याल
• बिहीबार, २५ बैशाख, २०७७
• 1 year ago
• बिचार

सरकार र सत्ता परिवर्तन सँगै माफिया तस्कर र विचौलियाहरुको ग्याङले नयाँ रुपमा फडा उठाउने गर्छन् । आफ्नो वर्षौदेखिको लुटको संसारमा खेती गर्न पाएनन भने ती माफिया र विचौलियाहरु भयभरको तागत लगाएर सरकारलाई ढाल्न उद्धत हुन्छन् ।

 

ठुलो धनराशी खर्च गरेर विभिन्न खाले साधन स्रोत खरिद गर्दै सरकारविरुद्ध  गोयवल्स आतंक मच्चाउन पछि पर्दैनन् ।  

 

त्यस्तो अवस्थामा नेतृत्वले विचलित नभई  असल इमान्दार र काविल टीम बनाएर पारदर्शी किसिमले अघि बढ्नु पर्छ । नैतिकता, इमान्दारीता र पारदर्शीताका साथ जनताको विश्वास लिएर अगाडि बढिरहने हो भने सबै प्रकारका माफिया, विचौलिया र तस्करको लुटको संसारलाई सहजै परास्त गर्न सकिन्छ । ’

 

आधुनिक मलेशियाका विकास का नायक महाथिर मोहम्मदले कुनैबेला भनेको यो अभिव्यक्ति नेपालमा अहिले मिल्न पुगेको छ। 

 

अहिले नेपालमा र नेकपामा जे नहुनु पर्ने थियो अर्थात जनताले जे नहोस भनेका थिय त्यही भइरहेको छ । जुन बिडम्बनापुर्ण छ। संविधान निर्माणमा नेतृत्वदायी भूमिका, भारतको नाकाबन्दी विरुद्ध प्रदर्शित अविचलित अडान र समृद्ध नेपाल सुखी नेपालीुको सपना व्युँताएर केपी ओलीले बनाएको अटल राष्ट्रभक्ति व्यक्तित्वलाई आगामी प्रधानमन्त्री बनाएर देशमा राजनीतिक स्थायित्व कायम गर्नेु भनेर जनतासँग मत मागेर सरकार बनाएको दलका केही नेताअहिले उनै केपी ओलीलाई सत्ताबाट च्युत गर्न प्रतिगामी र  प्रत्युत्पादक खेलमा लागिरहेका छन् ।

 

बदर भइसकेको अध्यादेशलाई विवादको मुद्दा बनाएर प्रधानमन्त्री केपी ओलीको राजीनामा माग्ने कार्य संकटको वर्तमान अवस्थामा उत्तिकै अप्रासांगिक विषय हो । संसदको बजेट अधिवेशन सन्निकट रहेको बेला आगामी बजेटमार्फत नागरिक र मुलुकको हितमा कार्यक्रमहरु ल्याउनेतर्फ सबैको ध्यान हुनुपर्दछ । यस्तो बेला सरकार बदल्ने सम्मको कार्यले राजनीतिक स्थिरता मात्र बिथोल्दैन, संसदमा उपस्थित राजनीतिक दलको प्राथमिकता केवल सत्ताको जोडघटाउ मात्र रहेको गलत सन्देश प्रवाहित भई हामीले अवलम्बन गरेको राजनीतिक प्रणालीप्रति नै वितृष्णा बढाउँछ । 

 

एकातिर कोरोका विरुद्धको लडाई र अर्कातर्फ जनमतको भावना लत्याउने गरी सत्तारुढ दलभित्रै सरकार फेर्ने चलखेल हुनु, त्यसका लागि दलभित्र र बाहिरका वरिष्ठ नेताहरु उन्मादित हुनु खेदजनक त छ नै ।  मुलुक महामारीमा जुधिरहेको यस अवस्थामा पूर्व प्रधानमन्त्रीहरु समेत रहेका शिर्ष नेताहरु नै यो फोहोरी खेलमा अग्रसर हुदाँ कतिपयले कतै ग्राण्ड डिजाइनका साथ नेपालमाअस्थिरताको पुनरागमन गर्ने षड्यन्त्र त भइरहेको छैन भन्ने आशंका बढाएको छ। यसले लोकतन्त्र प्रतिको आम नेपालीको विश्वासमाथि खेलवाड भएको छ । 

 

सत्तारूढ नेपाल कम्युनिस्ट पार्टीभित्र विकसित घटनाक्रम दलको आन्तरिक मामिला मात्र होइन । यसको प्रत्यक्ष प्रभाव राष्ट्रिय राजनीतिमा परेको छ । यसको निकास आग्रहपूर्ण, संवेगात्मक र प्रतिक्रियात्मक सोचबाट होइन, मुलुकको दिर्घकालीन हित र लोकतान्त्रिक मूल्यमान्यताको पक्षपोषण हुने जिम्मेवारीबोधबाट निर्देशित हुनुपर्दछ । 

 

संकटको वर्तमान समयमा राजनीतिक परिस्थिति असामान्य बनाउने, सामाजिक स्थायित्वमा खलल पैदा गर्ने तथा राजनीतिक अस्थिरता फैलाउने गतिविधि रोकेर कोरोनाविरुद्ध एकजुट भएर सामना गर्ने योजना बनाउने र जनमुखी बजेट बनाउने समय हो यो ।

 

कतिपय नेता मन्त्री मुख्यमन्त्री बन्न नपाएको कुण्ठा ओकलिरहेको बुझ्न गाह्रो छैन। कतिपय नेता मन्त्रीबाट हटाइएकोमा आगो भएको देखिन्छ । कातिपय नेताले आफ्ना पकेटका ब्यक्तिले नियुक्ति नपाएको र निकटका एजेण्टले ठेक्का नपाएको झोक छ।

 

यिनै र यस्तै चिन्तन तथा गलत प्रवृत्ति हावी हुँदा निहित स्वार्थ अन्तर सङ्ह्रषको आवरणमा बिवाद सतहमा छताछुल्ल भएर पोखिएको छ। केही लोभ,केही पुर्वाग्रह, केही आलोचना देखाउने प्रवृत्ति सँगै बार्गेनिङको औजार  र स्वार्थ सिद्द गर्ने अस्त्र बनाउन मुल नेतृत्वको तेजोबध गर्ने सस्कार पनि पार्टीभित्र छदैँछ । तथापि यी सबै कुरा पानीको फोका साबित हुनेछन् किनकी यो आन्दोलन र पार्टी यी नेताले मात्र बनाएका होइनन् ,यो पार्टी निर्माणमा सयौँ नेता कार्यकर्ताले रगत पसिना बगाएका छन्।धेरै बाबुआमाको कोख रित्तिएको छ, बच्चाहरु टुहुरा बनेका छन्,धेरैको सिउँदो पुछिएको छ।सयौँ क्रान्तिकारीको बलिदान बाट बनेको यो पार्टी  हजारौँ कमरेडहरुले आफ्नो परिवार त्यागेर भोक भोकै, पटक पटक मृत्युको मुखबाट छुटेर बनेको हो ।

 

जुन पार्टीसँग लाखौ कार्यकर्ता र जनतासर्गै यो देशको भविष्य जोडिएको छ।जसले यो पार्टी बचाउने छन् । त्यसैले नेताहरु जतिसुकै जुरुक जुरुक गरेपनि पार्टी एकतको स्प्रीट र कार्यकर्ताको भावना विपरित जान सम्भव छैन । यदि कसैले त्यस्तो दुस्साहस गरे इतिहास र जनताले माफ गर्ने छैनन ।अहिले मुल नेतृत्व खासगरी पार्टी अध्यक्ष समेत रहेका प्रधानमन्त्री ओलीको तेजोबध गर्ने धुन्धुकारी खेल भइरहेको छ।

 

नेतृत्वले कार्यकर्तालाई कस्तो संस्कार सिकाउँदैछ,नेतृत्वको तेजोबध गर्ने यो शैलीले। पार्टी एकता गर्दा सब ठिक,आफुले पद पाउँदा सब ठिकठाक । अरुमाथि अन्याय भएर आफुले पद पाउँदा पनि क्या बात । तर, अहिले यो कस्तो मोर्चाबन्दी । देश कोरोना विरुद्धको बन्दाबन्दीमा नेताहरु सरकार ढलाउने र बनाउने फोहरी खेलको मोर्चाबन्दी अब बन्द गर्नु सबैको हितमा हुनेछ।

 

अहिले फुटेर होइन जुटेर अघि बढ्ने बेला हो यो । केही त्यस्ता विषय छन् भने नेताहरु बसेर मन माझामाझ गरेर बिवाद सल्टाउनु बुद्दिमता कुरा हुन् आउँछ। मुलुकमा राष्ट्रिय तथा सामाजिक एकता चाहिएको बेला त्यसलाई खल्बल्याउन र समाजमा नकारात्मकता फैलाई त्यसैमा राजनीतिक स्वार्थको रोटी सेक्न चाहने र सेलिब्रिटी बन्न खोज्नेहरू कोरोनाभन्दा खतरनाक हुन् । तसर्थ नेकपाको शिर्ष नेतृत्व पार्टी एकतको मर्म भावना अनुसार सहमती र सहकार्यका साथ अघि बढ्नु अहिलेको अपरिहार्यता र आवश्यकता  हो । यस कुराको सबैले मनन गरौँ । यसैमा सबैको भलो छ। त्यसैले सबैले हिजोका कमिकमजोरी हटाउँदै  अब देश, पार्टी र जनताका लागि ठोस योजना र रचनात्मक सुझाव सहित सरकारको काँधमा काँध मिलाउँदै कोरोनालाई परास्त गर्न र जनमुखी बजेट ल्याएर जनताले वाही वाही गर्ने दिशामा जुटौँ । 

 

लेखक न्युनतम पारिश्रमिक निर्धारण समितिका अध्यक्ष हुन् ।

 

• राजनीतिक दल
• सरकार र सत्ता

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।