बेलायतमा 'नेपालकप टी ट्वान्टी क्रिकेट' प्रतियोगिताको तयारी

  • सोमबार, २८ जेष्ठ, २०७५
  • 2 years ago
  • युके

बाचस्पति रेग्मी, लण्डन । बेलायतस्थित पोखरेली मञ्च यूकेको आयोजनामा नेपालकप टी ट्वान्टी क्रिकेट प्रतियोगिता आउंदो जुलाईमा आयोजना हुने भएको छ । 

 

आयोजक मञ्चले आइतबार अल्डरसटमा एक प्रेस मिट गरी जुलाई १५ र २२ तारिखका दिन प्रतियोगिता आयोजना गरिने जानकारी गरायो । रेडिङ क्रिकेट क्लबको मैदानमा आयोजना हुने प्रतियोगितामा ८ टोलीबीच प्रतिस्पर्धा हुने बताइएको छ । 

 

प्रतियोगिताको विजेता टोलीले ८ सय पाउण्ड  , दोस्रो हुनेले ५ सय पाउण्ड र तेस्रो हुनेले ३ सय पाउण्ड नगदको पुरस्कार पाउनेछन् । 

 

मञ्चका अध्यक्ष मानप्रसाद गुरूङले विगतको वर्षमा भन्दा पुरस्कारको राशी बढाइएको जानकारी दिए । त्यस्तै, प्रतियोगिताको स्तरबृद्धिकै प्रयासस्वरुप यसअघिको पोखराकप भन्ने प्रतियोगिताको नाम परिवर्तन गरी अब नेपाल कप गराइएको अध्यक्ष गुरूङले बताए । 

 

प्रतियोगितामा सहभागी हुने टोलीलाई १ सय ५० पाउण्डको प्रवेश शुल्क राखिएको छ । प्रतियोगिता सञ्चालनका लागि कोष जुटाउन आयोजकले प्रतियोगितास्थलमा बारबीक्यू गरेर खाना बिक्री गर्ने तथा स्पोन्सरहरु खोज्ने योजना बनाएका छन् । तर प्रतियोगिता हेर्न जाने दर्शकलाई कुनै शुल्क लिइनेछैन । 

 

 प्रतियोगितामा एनआरएन यूकेका अध्यक्ष योगकुमार फगामीलाई प्रमुख अतिथीका रुपमा निम्त्याइने पनि आयोजकले बताए । 

 

प्रेस मिट कार्यक्रममा अध्यक्ष मानप्रसाद गुरूङका  साथै संस्थाका संस्थापक अध्यक्ष सीबी पुन, सल्लाहकार नन्द कुमारी गुरूङ, मेघ गुरूङ, उपाध्यक्ष अम्बीका खड्का , सचिव पवित्र गुरूङ लगायतले प्रतियोगिताबारे विभिन्न जानकारी गराउंदै पत्रकारहरुका जिज्ञासामा जवाफ दिएका थिए । सो अवसरमा एभरेष्ट टाइम्सका सम्पादक हरिकाजी गुरूङ,  नेपाल पत्रकार महासंघ युके शाखाका सचिव पुर्ण गुरूङ, शीतलपाटी न्युजका सम्पादक बाचस्पति रेग्मी , नेप्स न्युजका मणी सुवेदी लगायतको सहभागिता  थियो । कार्यक्रमाके सञ्चालन मञ्चका उपाध्यक्ष करम गुरूङले गरेका थिए । 

 

मञ्चले बेलायतबासी सम्पुर्ण नेपालीहरुलाई प्रतियोगिता हेर्न उपस्थित भएर खेलाडीको हौसला बढाइदिन आग्रह गरेको छ । 

 


थप समाचार

सेती नदी जलविद्युत् आयोजनाको काम जारी

  • 3 minutes ago
सेती नदी जलविद्युत् आयोजनाको काम जारी

कास्की । कोभिड–१९ रोकथामका लागि आह्वान गरिएको बन्दाबन्दीमै काम शुरु भएको २५ मेगावाट क्षमताको सेती नदी जलविद्युत् आयोजना आगामी भदौदेखि पूर्ण क्षमतामा शुरु हुने भएको छ ।

उपत्यका प्रवेश गर्ने साँगा नाकामा कडाइ

  • 18 minutes ago
उपत्यका प्रवेश गर्ने साँगा नाकामा कडाइ

काठमाडौं । विभिन्न जिल्लाबाट साँगा नाका हुँदै उपत्यका प्रवेश गर्न रोक लगाइएको छ । उपत्यकामा कोभिड–१९ को जोखिम बढ्दै गएपछि उपत्यका प्रवेश गर्ने नाकामा कडाइ गरिएको हो ।

फुटबल खेलाडीको कोरोना परीक्षण आजदेखि

  • 31 minutes ago
फुटबल खेलाडीको कोरोना परीक्षण आजदेखि

काठमाडौं । नेपाली राष्ट्रिय टोलीको पुरुष खेलाडीको कोरोना भाइरसको परीक्षण आजदेखि गरिने भएको छ । कोरोना परीक्षणको नतिजाका आधारमा उनीहरूलाई आगामी भदौ १ गतेदेखि थालिने प्रशिक्षणमा सहभागी गराइने छ ।



प्रेम र यौन

ब्रत बसेको बेला किन यौनसम्पर्क गर्नु हुँदैन ?

ब्रत बसेको बेला किन यौनसम्पर्क गर्नु हुँदैन ?

नेपाली हिन्दू समाजमा विशेषतः महिलाहरू साउन लाग्ने बित्तिकै तथा अन्य महिनाका पर्व वा दिन विशेषमा ब्रत वा उपवास बस्छन् । लामो समयको ब्रतका बेला कतिपय यौन जोडीले यौन सम्पर्कको अनुभव लिन चाहेका हुन्छन् । ब्रतका समयमा महिलाहरू धार्मिक एवं मानसिक तवरमा यौन सम्बन्ध राख्न तयार नहुने हुनाले यौन सम्पर्क नराख्नु नै उपयुक्त मानिन्छ ।

जीवनशैली/स्वास्थ्य

गर्मीमा छालाको समस्या, कसरी गर्ने छालाको सुरक्षा

गर्मीमा छालाको समस्या, कसरी गर्ने छालाको सुरक्षा

चितवन । चितवनमा केही दिनदेखि तातो हावा चल्न थालेकाले जनजीवन अस्तव्यस्त बनेको छ । बढ्दो गर्मीका कारण छालाजन्य रोगबाट बच्न छालालाई घामबाट जोगाउन चिकित्सकले सुझाव दिएका छन् । गर्मीको मौसम छालाका लागि चुनौतीपूर्ण हुने चिकित्सकको भनाइ छ ।