शाहरुखको ‘पठान’ले दुई दिनमा कति कमायो ?

• शुक्रबार, १३ माघ, २०७९
• 1 month ago
• कला र मनोरञ्जन

एजेन्सी । बलिउड फिल्म ‘पठान’ले पहिलो दिन जस्तै दोस्रो दिन पनि कीर्तिमान बनाएको छ । रिलिजको दोस्रो दिन फिल्मले ७० करोड कमाएको छ । 

 

घरेलु बक्स अफिसमा दुई दिनमा फिल्मको कुल कलेक्सन १२६ करोड पुगेको छ । पहिलो दिन ५६ करोड कमाएर पठान बलिउडको सबैभन्दा ठूलो ओपनिङ गर्ने फिल्म बनेको छ ।

 

यसले ऋतिक रोशनको फिल्म ‘वार’ र ‘केजीएफ च्याप्टर २’ को हिन्दी संस्करणको पहिलो दिनको कमाईलाई पनि पछाडि पार्यो । अब फिल्मले दोस्रो दिन पनि कीर्तिमानी कमाई गरेको छ । फिल्म समीक्षकको विश्वास गर्ने हो भने पठानले यसरी नै कमाइ गरिरहे आगामी दिनमा धेरै ठूला रेकर्ड तोड्न सक्नेछन् ।

 

बक्स अफिस इन्डिया रिपोर्टका अनुसार पठानले दोस्रो दिन विश्वभर करिब ११२ करोड भारु कलेक्सन गरेको छ । पहिलो दिनमा १०३ करोडको कलेक्सन जोड्ने हो भने फिल्मले दुई दिनमा २१५ करोड कमाएको छ । अर्कोतर्फ साउथ रिजनको ६ करोड जोडिएमा फिल्मको कुल कमाई २२० करोड नाघेको छ ।

 

सिद्धार्थ आनन्दको निर्देशन रहेको यस फिल्ममा शाहरुख खान र दीपिका पादुकोणसँगै जोन अब्राहम पनि प्रमुख भूमिकामा छन् ।

• पठान

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।