पढाइमा अब्बल यी राष्ट्र प्रमुखहरुले देशलाई समेत समृद्ध बनाए

Global IME
Mega Bank
Norvic Hospital

विश्वका धेरै प्रख्यात नेताहरुले आफ्नो देशको कार्यकारी पदमा रहेर आफुलाई प्रमाणित त गरे नै त्यसबाहेक उनीहरुले विश्वविद्यालयमा पनि आफुलाई अब्बल साबित गराउन सफल रहे । 

 

यी १० विश्व नेताहरुलाई आफ्नो कडा मेहनत र लगनशिलताको मुल्य थाहा छ किनभने उनीहरुले आफ्नो धेरै समय डक्टरेट डिग्री अर्थात पिएचडी गर्नमा खर्चिएका छन् । 

 

यी हुन् पिएचडी हासिल गरेका १० विश्व नेताहरु

१. गुर्वानगुली बेर्दीमुहामेदोभ –तुर्केमिन्स्तान

गुर्वानगुली बेर्दीमुहामेदोभले सन् १९७९ मा अस्गाभाको तुर्कमेन स्टेट मेडिकल इन्स्टिच्युटबाट ग्य्राजुएट गरे र डेन्टिस्टको रुपमा काम गर्न थाले । सन् १९९० माउनले मस्को बाट मेडिकल साइन्समा पिएचडी गरेका थिए । 

सन् १९९७ मा उनी तुर्केमिन्स्तानको स्वास्थ्यमन्त्री भए र त्यसको चार वर्षपछि उनी देशको उपराष्ट्रपति भए । सन् २००६ मा राष्ट्रपति सपर मुरातनियाजोभको मृत्युपछि उनलाई देशको कायममुकायम राष्ट्रपतिको रुपमा चुनियो । सन् २०१२ को फेब्रुअरीमा उनी पुनः राष्ट्रपति पदमा निर्वाचित भए ।

 

९. कारोलोस पापुलिएस –ग्रिस

ग्रिसका राष्ट्रपति कारोलोस पापुलिएसले आफ्नो मातृभाषाबाहेक फ्रेन्च, जर्मन र इटालियन भाषा पनि बोल्छन् । उनले युनिभर्सिटी अफ कोलोन्जबाट प्राइभेट इन्टरनेशनल ल मा पिएचडी को उपाधी हासिल गरेका हुन् । 

सन् १९७७ मा संसदमा निर्वाचित पापुलिएस विदेश मन्त्री, रक्षामन्त्री हुँदै सन् २००५ को मार्चमा ग्रिसको राष्ट्रपति बन्न सफल भए । उनी सन् २०१० मा राष्ट्रपतिको रुपमा दोस्रो कार्यकालको लागि पुन राष्ट्रपति पदमा निर्वाचित भए । उनका धेरै लेख रचनाहरु र अध्ययनहरु प्रकाशित भएका छन् भने ग्रिसको नाजी प्रतिरक्षामाथि एक पुस्तकसमेत लेखेका छन् ।

 

८. सी जिनपिङ –चीन

चीनका राष्ट्रपति सी जिनपिङले सन् १९७५ मा बेइजिङको सिन्गुवा विश्वविद्यालयबाट केमिकल इन्जीनियरिङ अध्ययन सुरु गरेका थिए । सन् २००२ मा उनले सिन्गुवा विश्वविद्यालयबाट नै कानुनमा आफ्नो डक्टरेट डिग्री प्राप्त गरे ।

उनले कम्युनिष्ट पार्टीको केन्द्रिय सचिवालय सदस्यको रुपमा उनले सन् २००७ वाट राजनीति सुरु गरेका थिए । सन् २००८ मार्च मा उनी चीनको उपराष्ट्रपति बने भने सन् २०१३ को मार्च १४ मा उनी चीनको राष्ट्रपति बन्न सफल भए ।

 

७. इभो जोसिपोभिक –क्रोयसिया

क्रोयसियाका तेस्रो राष्ट्रपति इभो जोसिपोभिकले राजनीतिज्ञको रुपमा मात्रै होइन प्रोफेसर, कानुनी विज्ञ र संगितकारका रुपमा पनि काम गरिसकेका छन् । उनले युनिभर्सिटी अफ जाग्रिबबाट सन् १९९४ मा क्रिमिनल साइन्समा पिएचडी प्राप्त गरेका थिए । बहुमुखी प्रतिभाका धनी जोसिपोभिकले जाग्रिव विश्वविद्यालयकै संगित एकेडेमीमा पनि अध्ययन गरेका थिए । 

सन् १९८० मा लिग अफ कम्युनिष्ट अफ क्रोयसियाबाट राजनीति सुरु गरेका उनी सन् २००७ मा क्रोयसिय संसदमा निर्वाचित भएका थिए । उनी सन् २०१० को जनवरी १० मा क्रोयसियाका राष्ट्रपति बनेका थिए । उनले केही पुस्तकहरु तथा ८५ कार्यपत्रहरु पनि लेखेका छन् साथै केही उत्कृष्ट म्युजिकल कम्पोजिसन पनि गरेका छन् ।

 

६. अब्दुल्लाह गुल–टर्की

अब्दुल्लाह गुल आफ्नो गृहनगर का एसेरीबाट इस्तनाबुल विश्वविद्यालयमा अध्ययनको लागि आएका थिए जहाँबाट उनले सन् १९७१ मा इकोनोमिक्समा स्नातक उत्तिर्ण गरे भने सन् १९८३ मा पिएचडी प्राप्त गरे । 

सन् २००२ मा देशको अन्तरिम प्रधानमन्त्रीको रुपमा काम गरेका गुल सन् २००३ को मार्च मा विदेश मन्त्री बने र उपप्रधानमन्त्री पनि बने । पछि सन् २००७ अगस्ट २८ माउनी टर्कीको ११ औं राष्ट्रपति निर्वाचित भए ।

 

५. हसन रोउहनी–इरान

१२ वर्षको उमेरदेखि आफ्नो धार्मिक अध्ययन सुरु गरेका हसन रोउहनीले युुनिभर्सिटी अफ तेहरानमा जुडिसियल ल पढे र सन् १९७२ मा स्नातक उपाधि प्राप्त गरे । त्यसपछि सेनामा भर्ना भएका रोउहनीपछि फेरि विश्वविद्यालय फर्किए रस्कटल्याण्डको ग्लास्गो विश्वविद्यालयबाट कानुनमा पिएचडी गरे । 

उनले सन् १९८९ देखि १९९७ सम्म इरानी राष्ट्रपतिको सुरक्षा सल्लाहकारको रुपमा काम गरे । त्यसपछि उनले इरानको सर्वोच्च राष्ट्रिय सुरक्षा परिषदमा सचिवको रुपमा काम गरे । सन् २०१३ मा निर्वाचन जितेर उनी इरानको सातौं राष्ट्रपतिको रुपमा निर्वाचित भए ।

 

४. एन्जेला मर्केल –जर्मनी

जर्मन चान्सलर एन्जेला मर्केल यो सूचीमा पर्ने एकमात्रै महिला विश्न नेता हुन् । तर, उनको शैक्षिक योग्यताले उनको कुनै पुरुष समकक्षीभन्दा कम छैनन् भन्ने देखाँउछ । सन् १९७३ मा लिपजिग विश्वविद्यालयमा फिजिक्समा भर्ना भएकी मर्केल त्यहाँबाटै क्वान्टम केमेस्ट्रीमा पिएचडी प्राप्त गरिन् । 

 

बर्लिनको पर्खाल ढलेपछि आफ्नो राजनितिक जीवन सुरु गरेकी मर्केल सन् १९९८ मा क्रिश्चियन डेमोक्रेटिक युनियन पार्टिको महासचिव भइन् । सन् २००२ मा उनी चान्सलर हुने उम्मेद्धारबाट पराजित भइन् तर,पछि सन् २००५ मा उनी जमर्नीको इतिहासमै पहिलो महिला चान्सलर बन्न सफल भइन् ।

 

३. मनमोहन सिंह –भारत

भारतका पूर्व प्रधानमन्त्री मनमोहन सिंहले सन् १९६२ मा अक्सफोर्ड विश्वविद्यालयबाट अर्थशास्त्रमा पिएचडी प्राप्त गरेका हुन् । उनी सन् २००४ को मे महिनामा भारतको प्रधानमन्त्री बन्न सफल भए । 

 

मनमोहनले सन् २००९ को मे २२ मा उनले प्रधानमन्त्रीबाट राजिनामा दिए र आफुलाई पुरा कार्यकाल प्रधानमन्त्री हुने पहिलो भारतीय प्रधानमन्त्रीको रुपमा उभ्याए ।

 

२. इलियो डि रुपो –बेल्जियम

सन् २०११ को डिसेम्बर ६ मा उनी बेल्जियमको प्रधानमन्त्रीको रुपमा निर्वाचित भए । उनले केमेस्ट्रिमा युुनिभर्सिटी अफ मोन्सबाट पिएचडी उपाधि प्राप्त गरेका छन् । 

 

सन् १९९४ माउनी बेल्जियमको सघिंय सरकारको उपप्रधानमन्त्री बने त्यसपछि उनी अर्थ र टेलिकम्युनिकेसन मन्त्री बन्न सफल भए । मन्त्री हुँदा विभिन्न काण्डहरु र भष्ट्राचार मुुद्धामा मुछिएका उनी पछि बेल्जियमको प्रधानमन्त्री बन्न सफल भएका हुन् ।

 

१. मोहम्मद मोर्सी –इजिप्ट 

इजिप्टको नाइल नदीको नजिकैको सर्किया क्षेत्रमा हुर्किएका मोर्सीले कायरो विश्वविद्यालयमा इन्जिनियरिङ स्नातक र स्नातकोत्तर पढेका थिए । उनी त्यसपछि अमेरिका हानिए र सन् १९८२ मा म्याटेरियल साइन्समा युनिभर्सिटी अफ साउर्थन क्यालिफोर्निया बाट पिएचडी प्राप्त गरे । 

 


Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

एमालेसँग गठबन्धन बनाएर सरकारमा जानेबारे छलफल भएको छैनः देव गुरुङ

  • 4 hours ago
एमालेसँग गठबन्धन बनाएर सरकारमा जानेबारे छलफल भएको छैनः देव गुरुङ

काठमाडौँ। नेकपा माओवादी केन्द्रका महासचिव देवप्रसाद गुरुङले अहिले एमालेसँग गठबन्धन बनाएर सरकारमा जानेबारे कुनै छलफल नभएको स्पष्ट पारेका छन्। शनिबार र आइतबार बसेको केन्द्रीय पदाधिकारीहरूको अनौपचारिक बै

ग्वार्कोमा ‘फ्लाइओभर’को काम शुक्रवारदेखि सुरु हुने

  • 4 hours ago
ग्वार्कोमा ‘फ्लाइओभर’को काम शुक्रवारदेखि सुरु हुने

काठमाडौँ। ललितपुरको ग्वार्को चोकमा आउँदो शुक्रवारदेखि फ्लाइओभर (आकाशे पुल) निर्माणको काम सुरु हुने भएको छ। बढ्दो जामलाई मध्यनजर गरेर ग्वार्कोमा फ्लाइओभर निर्माण हुन लागेको हो।

पाकिस्तानको पाख्तुनख्वा प्रान्तमा आतङ्ककारी आक्रमणमा परी तीन प्रहरीको मृत्यु

  • 4 hours ago
पाकिस्तानको पाख्तुनख्वा प्रान्तमा आतङ्ककारी आक्रमणमा परी तीन प्रहरीको मृत्यु

इस्लामाबाद। पाकिस्तानको उत्तरपश्चिममा पर्ने खैबर पाख्तुनख्वा प्रान्तको नाउसेरा जिल्लामा भएको एक आतङ्ककारी आक्रमणमा परी तीन प्रहारीको मृत्यु भएको उद्धारकार्यमा संलग्न कार्यकर्ताहरुले बताएका छन्।



पर्यटन

पर्वतको परिचय बदल्ने बन्जी...

पर्वतको परिचय बदल्ने बन्जी...

पर्वत । बन्जी निर्माणअघि पर्वत धेरैका लागि नौलो नाम सुनिन्थ्यो । पर्वत हुँदै बागलुङ, मुस्ताङ पुग्ने पर्यटकहरूले समेत पर्वतको बारेमा बेखबर देखिन्थे । तर, हिजोआज अवस्था त्यस्तो छैन । आन्तरिक तथा बाह्य पर्यटकहरूका कारण यति बेला सदरमुकाम कुश्माका होटेल तथा रेस्टुरेन्ट व्यवसायहरू फस्टाएका छन् । तस्बिरः सुमनजङ्ग थापा÷रासस

जीवनशैली

थाहा पाउनुहोस् कुन ब्लड ग्रुप हुनेले कस्तो खाना खाने ?

थाहा पाउनुहोस् कुन ब्लड ग्रुप हुनेले कस्तो खाना खाने ?

एजेन्सी । ओः यो रक्तसमूह भएका मानिसहरुको पाचन क्रिया अन्य मानिसको भन्दा कमजोर हुन्छ । त्यसैले ओ रक्तसमूह भएका मानिसहरुले अन्न तथा गेडागुडी कम मात्रामा खानु पर्दछ ।