अझै धेरै समस्याहरू भएपनि सुदूरपश्चिमले विकासमा ठूलो फड्को मारेको छः प्रधानमन्त्री देउवा

• आइतबार, २२ जेष्ठ, २०७९
• 9 months ago
• राजनीति

काठमाडौँ। प्रधानमन्त्री शेरबहादुर देउवाले अझै धेरै समस्याहरू भएपनि सुदूरपश्चिम प्रदेशले विकासमा ठूलो फड्को मारेको बताएका छन्। आइतबार काठमाडौँमा आयोजित सुदूरपश्चिमाञ्चल सरोकार समाजको सधारणसभामा बोल्दै प्रधानमन्त्री देउवाले सो कुरा बताएका हुन्।

 

आफू काठमाडौँ आउँदा भारत हुँदै आउनुपरेको स्मरण गर्दै देउवाले अहिले सुदूरपश्चिम सिधै काठमाडौँसँग जोडिएको भन्दै उनले भने, ‘म एसएलसी पास गरेर काठमाडौँ छिरेको हुँ। त्यो बेला डडेलधुरादेखि धनगढीसम्म बसमा र त्यसपछि लखनउ हुँदै रेल चढेर, फेरि गाडी चढेर काठमाडौँ आउनुपरेको थियो। अहिले सुदूरपश्चिम सिधै काठमाडौँसँग जोडिएको छ। अहिले त्यस्तो दुःख छैन।’

 

देउवाले सुदूरपश्चिममा विकासका थुप्रै सम्भावनाहरुसँगै गरिबीको समस्या कायम रहेको बताए। उनले भने, ‘सुदूरपश्चिमको ठूलो समस्या भनेको गरिबी हो। गरिबी अझै पनि हटेको छैन। सुदूरपश्चिमका सारा युवाहरू लाहुर जाने भन्दै भारततिर छिर्न बाध्य छन्। हाम्रो देशको जुन पछिल्लो आर्थिक अवस्था छ, त्यो अनुसार सुदूरपश्चिमको विकास हुन सकेको छैन।

 

उनले सुदूरपश्चिमको गरिबी र अशिक्षा हटाई समग्र सुदूरपश्चिम प्रदेशको विकासका लागि अझै पनि सबै क्षेत्रबाट पहल हुनु आवश्यक रहेको बताए।

• प्रधानमन्त्री
• शेरबहादुर देउवा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।