बुढानीलकण्ठ स्कुलले खुल्ला प्रतिस्पर्धाबाट प्रिन्सिपल नियुक्त गर्ने

काठमाडौँ । खुल्ला प्रतिस्पर्धाबाट बुढानीलकण्ठ स्कुलले प्रिन्सिपल नियुक्त गर्ने भएको छ । बुढानीलकण्ठ स्कुलले गोरखापत्रमा आज एक सूचना जारी गर्दै प्रिन्सिपलका लागि दरखास्त माग गरेको छ ।

बुढानीलकण्ठ स्कुल सार्वजनिक शैक्षिक गुठीको विधान २०५९ को दफा २४ बमोजिम गठित उपसमितिको सिफारिसमा स्कुल व्यवस्थापन समितिले प्रिन्सिपल नियुक्त गर्ने निर्णय गरेको हो ।

४० वर्ष उमेर पूरा भएका इच्छुक नेपाली नागरिकबाट यो सूचना प्रकाशन भएको २१ दिनभित्र दरखास्त दिन सूचना जारी गरेको छ ।